Өлең, жыр, ақындар

Алтыға

  • 22.04.2019
  • 0
  • 0
  • 1236
Жақсы ма жағдайларың, жаным Алты,
Арман не ер жігіттің бітсе қарты?!
Қалайда, Қадір Хақтың өзі сақтар,
Болғанмен бұлайынша заман салты.
Құтылып, қуанышты болуыңа,
Тілектес елатыңның жас пен қарты.
Тілегін Тәңірі олардың қабыл қылса,
Айналар абаттыққа істің арты.
Жана да қуанарлық хабарлар бар,
Кеуілді көтеретін болған жарты.
Қашаннан қариялардың нақылы бар,
Қай сөздің халық сүйген болмайды қалпы?
Иншалла, ікаяты болып Ақтың,
Шығарар бостандыққа жұртты жалпы.
Аттарың әр орында айтылып жүр,
Жойғансың басын иттің болған шалпы.
Айнасын кеуілімнің кір шалғасың,
Сұлу боп шыға алмады сөздің әлпі.
Деп менен осылайша айтылды кеп,
Ерлерге ел тілектес шыққан дәрпі.



Пікірлер (0)

Пікір қалдырыңыз

Сотқа

  • 0
  • 0

Құттықтау халық аралап келген сотқа,
Тұрсындар ту көтеріп келіп қотқа.
Ақ тұзын Үкіметтің анық ақтап,
Байлатып бай біткенді аттың отқа.

Толық

Ұстабай баласы Жүніске

  • 0
  • 0

Уақытсыз ұшты бұлбұл бақтарыңнан,
Түскендей боп қалдыңдар тақтарыңнан.
Қонбайды қолдарыңа қайта айналып,
Сабыр қыл, соңын сұрап Ақтарыңнан!

Толық

Тіріңде тура болсаң ту ұстарсың

  • 0
  • 0

Тіріңде тура болсаң ту ұстарсың,
Боғыңды бұзық болсаң, уыстарсың.
Жамандық жақын түгіл, жатқа ойлама,
Өзіңмен о басында туысқансың.

Толық

Қарап көріңіз

Басқа да жазбалар