Өлең, жыр, ақындар

Менің ғасырым

  • 19.04.2015
  • 1
  • 5
  • 31537
Кірпікке кір жуытпай,құндақтаған.
Мына өмір, мына дәуір қымбат маған.
Бұл ғасыр, сірә, менің жүрегім-ау,
Тынысын қыбыр етпей тыңдап бағам.
Бұл ғасыр - менің жүрек-сағатымдай,
Тамырым бірге онымен соғатындай.
Амалсыз,абайсызда қалғып кетсем,
Ғасырым бірге ұйықтап қалатындай.
Мына дәуір менікі,мына ғасыр,
Минут сайын керемет ұлан-асыр.
Мәңгілікке ғасырың бара жатса,
Бірге кетпей қалайша тұра аласың.
Тыным алмай тыңдаймын сырласымды,
Тынысын бағам...
Менен не сыр жасырды!?
...Сірә, біздің ұрпаққа қиын болар,
Мәңгілікке жөнелту бұл ғасырды...
(Біздің ұрпақ сол шақты көрер ме екен?.
Келер-кетер,ғасырлар келер-кетер.
Өзім жырлап қалайын ғасырымды,
Келер ұрпақ өзінше өлеңдетер...



Пікірлер (5)

АКС

Тамаша екен

Ақтоты Бейсеуова

Бізге енді жарыс болат осы өлеңді айтам өте керемет екен РАХМЕТ СІЗГЕ МҰҚАҒАЛИ АТА!!!

Венера

Мен алда жарысқа қатысатын едім ол жарыс мәнерлеп оқу сол жарыста осы өлеңдерден біреуін айтатын шығармын
Егерде осыны айтып орын алып жатыр сам бұйырса сіздерге РАХМЕТ!

Қуанышқызы Венера

Бізге жарыс болатын еді ол жарыс мәнерлеп оқудан егер осы өлеңдердін біреуін айтып жатып орын алсам сіздерге РАХМЕТ!

Айша

Сірә, біздің ұрпаққа қиын болар,

Пікір қалдырыңыз

Қарт ақынның дегені

  • 1
  • 2

Көбелек деп жүрсің бе отты айналған?
Қуатым бар кеудемде щоқтай жанған.
Кер бестімін кермеде қаңтарылған,
Бәйге болса қалайда шаппай қалман.

Толық

Ару ана

  • 0
  • 1

Бір төбеде бір топ тур а құдайлап,
Бір төбеде бір топ тұр Абылайлап.
Мысық мұрт бағзы біреу аллалайды,
Ала бесті тағдырын қабыл ойлап.

Толық

Сабырханға

  • 1
  • 6

Қызылқұмда ізіміз қалар ма екен,
Іздеген жан біздерді табар ма екен?
Адасармыз, адассақ, қарамай-ақ
Кел екеуміз кезейік жалаң аяқ.

Толық

Қарап көріңіз