Өлең, жыр, ақындар

Қазақы қулық

  • 29.04.2019
  • 0
  • 1
  • 4734
Ойлауға әркім ерікті.
Берілген бабам ойға мың.
Құдайдан сосын көріпті
Баласы тұрмай қойғанын.
Қалған бір жандай қапыда,
Қазекең іштен тыныпты.
Құдайың
Сәби атына
Қызығады деп ұғыпты.
Келесі туған баланың
Тойына бие сойыпты.
Шулатып байтақ даланы,
Шуаш деп атын қойыпты.
Одан соң туған баланың
Тойына түйе сойыпты.
Шулатып байтақ даланы,
Шоқпыт деп атын қойыпты.
Қазақтың қырда желдеген
Қылығы со бір ұнайды:
Алданып жүріп пендеден
Алдамақ болған Құдайды!



Пікірлер (1)

Саламат

Қ Мырзалиев М Мақатаевтың өзі мойындаған тамаша ақын Бұндай ақындар өте сирек

Пікір қалдырыңыз

Аға берсін жанардан жас, бастан қан

  • 0
  • 0

Аға берсін жанардан жас, бастан қан,
Алайда мен қиянаттан жасқанбан.
Ал сен болсаң төркініңді жасырып,
Түскендей боп көрінесің аспаннан.

Толық

Күрес

  • 0
  • 1

Ғайса екеуміз күресіп,
Жүріп алдық тіресіп.
Дуылдайды балалар,
Шуылдайды балалар:

Толық

Бір кездегі шаруаның құралдары

  • 0
  • 0

Бір кездегі шаруаның құралдары
Автоматты бүгінде,
Бұрандалы.
Құрыш етін құлақтың жегеннен соң

Толық