Шалкиіз Тіленшіұлы: су, өтірік, бәле, нақыл, афоризм туралы айтқаны

Ашу бар жерде ақыл тұрмайды. Ашу деген - ағын су, Алдын ашсаң, арқырар. Ақыл деген - дария, Алдын тоссаң, тоқырар. Кісі бірге туыспау керек, Туысқан соң сөз қуыспау керек. Сөз қуған пәлеге жолығады. Жол қуған олжаға жолығады.

— Әйтеке би

ақыл, сөз

Көлде жүрген қоңыр қаз қыр қадірін не білсін, қырда жүрген дуадақ су қадірін не білсін, санасы жоқ жамандар ел қадірін не білсін.

— Асан қайғы

қадір, қасиет

Өтірік пен шынның арасы - төрт-ақ елі.

— Жиренше шешен

өтірік, шындық

Үй сатып алсаң - көршіңе қара, жер сатып алсаң - суына қара.

— Жүсіп Баласағұни

үй, көрші

Өтіріктің балын жалап тірі жүргенше, шындықтың уын ішіп өлген артық.

— Бауыржан Момышұлы

өтірік, шындық

Өсек, өтірік, мақтаншақ, Еріншек, бекер мал шашпақ – Бес дұшпаның, білсеңіз. Талап, еңбек, терең ой, Қанағат, рақым, ойлап қой – Бес асыл іс, көнсеңіз.

— Абай Құнанбайұлы

Қанағат, рақым

Асқар тау сенде бір мін бар- Асу бермейсің; Тасқын су, сенде бір мін бар- өткел бермейсің; Билер, сендерде бір мін бар- Басқаға сөз бермейсің!

— Әйтеке би

мін, сөз

Өскенді де көргенбіз, бөскенді де көргенбіз, Өсіп-бөсіп ақыры өшкенді де көргенбіз. Болғанды да көргенбіз, толғанды да көргенбіз, Болып, толып ақыры солғанды да көргенбіз. Асқанды да көргенбіз, тасқанды да көргенбіз, Асып-тасып ақыры сасқанды да көргенбіз.

— Қайнекей Жармағамбетов

өсу, асып-тасу