Мақал-мәтелдер

Босаң жүрген жігітті
Бел үстінде бөрі алар.
Еркінсіген көкжалды
Ебін тапқан ер алар.

Ілмектер: жігіт

---

---

Оқ қадалса денеңнен суырарсың,
Кек қадалса жүрекке не қыларсың?!

Ілмектер: кек

---

---

Жігітті, бірде, майданда сына,
Бірде, бейғамда сына.

Ілмектер: жігіт, сын

---

---

Хас сұлуды қаралысында сынама,
Хас батырды жаралысында сынама.

Ілмектер: батыр, сұлу

---

---

Қорқақ ер болмайды,
Қола — зер болмайды.

Ілмектер: қорқақ, ер

---

---

Желмен жарыспа,
Ноймен алыспа.

Ілмектер: қайсарлық, батырлық

---

---

Елі еріксіз болса,
Ері көріксіз болар.

Ілмектер: ел, ер

---

---

Ат өнері білінбес,
Бәйгеге түсіп жарыспай.
Ер өнері білінбес,
Қоянқолтық алыспай.

Ілмектер: ер, бәйге, Ат, өнер, Ер өнері, жарыс, алысу

---

---

Ердің көңілі жібектей
Бір түйілсе, шешілмес.
Ер қонысы түбектей
Жау еркіндеп көсілмес.

Ілмектер: ер, ел

---

---

Шын сақыға жолықсаң,
Су орнына бал берер.
Шын батырға жолықсаң,
Шындық үшін жан берер.

Ілмектер: шындық, батыр

---

---

Ер шеруде ерінуді білмейді,
Шепте шегінуді білмейді.

Ілмектер: ер

---

---

Елінің даңқын батыры шығарар,
Батыры шығармаса, ақыны шығарар.

Ілмектер: ел, даңқ, батыр

---

---

Туы бірдің — түбі бір,
Жолы бірдің — жүгі бір.

Ілмектер: жол

---

---

Орындалмаған аманат —
Ерге тағылған жаман ат.

Ілмектер: аманат, ер

---

---

Батыр болатын бала ерге үйір,
Қызтеке бала зерге үйір.

Ілмектер: батыр

---

---

Шөлде суыңды сақта,
Соғыста туыңды сақта.

Ілмектер: соғыс, батырлық

---

---

Бөрі аулайтын жігіт
Бөрігінен белгілі.
Жау алатын жігіт
Серігінен белгілі.

Ілмектер: жігіт

---

---

Қос ұл туған қатынды
Ханым десе болады.
Ел қорғаған батырды
Нарым десе болады.

Ілмектер: қатын, ханым, батыр, ер, ел

---

---

Жауды басындырма,
Жақынды ашындырма.

Ілмектер: жау, туыс

---

---

Батылдық — батырлықтың сауыты.

Ілмектер: батыр, батырлық, батылдық

---

---