Мақал-мәтелдер

Батыр болатын бала ерге үйір,
Қызтеке бала зерге үйір.

Ілмектер: батыр

---

---

Шөлде суыңды сақта,
Соғыста туыңды сақта.

Ілмектер: соғыс, батырлық

---

---

Бөрі аулайтын жігіт
Бөрігінен белгілі.
Жау алатын жігіт
Серігінен белгілі.

Ілмектер: жігіт

---

---

Қос ұл туған қатынды
Ханым десе болады.
Ел қорғаған батырды
Нарым десе болады.

Ілмектер: қатын, ханым, батыр, ер, ел

---

---

Жауды басындырма,
Жақынды ашындырма.

Ілмектер: жау, туыс

---

---

Батылдық — батырлықтың сауыты.

Ілмектер: батыр, батырлық, батылдық

---

---

Шамасыз батырлық —
Шарасыз өлім.

Ілмектер: батырлық, батыр, өлім

---

---

Ақылдан асар амал жоқ,
Батылдар алмас қамал жоқ.

Ілмектер: ақыл, батырлық

---

---

Алыс жолға шығар болсаң,
Алдымен жолдасыңды сайла,
Жаудың алдын алар болсаң,
Алдымен қолбасыңды сайла.

Ілмектер: жолдас, жау

---

---

Ер көтерер өлімді,
Дос көтерер көңілді.

Ілмектер: ер, дос

---

---

Жыланды шала өлтірме,
Жауды жақын келтірме.

Ілмектер: жау

---

---

Бітісі жаман қамысты
Су ішінен өрт шалар.
Жүрісі жаман жігітті
Ел ішінен жау алар.

Ілмектер: жігіт, жау

---

---

Той өткен соң дағара,
Жау кеткен соң дабыра.

Ілмектер: той, жау

---

---

Ат басына күн туса,
Айыл, тұрман садаға:
Ер басына күн туса,
Бастан құлақ садаға.

Ілмектер: ер, төрт түлік мал

---

---

Қақпақты найзамен ашпас болар,
Күлді қылышпен шашпас болар.

Ілмектер: батырлық, қайсарлық, батыр

---

---

Сөзде тұру — ерлік,
Сөзді жұту — қорлық.

Ілмектер: сөз, ерлік

---

---

Шын жолдас сөзге берік —
Ерге серік.

Ілмектер: жолдас

---

---

Намысы бар жігіттің
Нар күші бар.
Намысы жоқ жігіттің
Қай күші бар?

Ілмектер: намыс

---

---

Жібек белбеу — белдің көркі,
Батыр жігіт елдің көркі.

Ілмектер: батыр, жігіт

---

---

Ері даңқты болса,
Елі антты болса,
Әруағы артып жүреді,
Жауы аяғын тартып жүреді.

Ілмектер: ер, ел

---

---