Кіру Тіркелу
Өлең, жыр, ақындар

Ұлағатты сөздер

Шешен сол - сөйлер сөзден қамалмаса,
Жақсы сол - істер ісін тәмамдаса.

Ілмектер: шешен, жақсы, сөз, іс Шал Құлекеұлы

Сұлулық, әдептілік, білімділік, сезімділік, ерлік, даналық - бәрі де жеке адамның меншігінде емес, ең алдымен, елдің, халыктың еншісі.

Ілмектер: халық, әдептілік, білім, сезім, ерлік Ғабит Мүсірепов

Жер үстінде адам өткізер,
Бар нәрсеге білім қолды жеткізер.

Ілмектер: білім, адам Жүсіп Баласағұни

Жақсы дос - білген сырын сыртқа жаймас.

Ілмектер: дос, сыр Абай Құнанбайұлы

Адал да белсенді еңбек — ерік пен мінезіңді жарасымды бітімін жетілдіре түседі.

Ілмектер: еңбек, ерік, мінез Тәжібаев Төлеген

Адам өзін еңбектен қалдырмағаны,
Қарттыққа аяғын алдырмағаны.

Ілмектер: еңбек, қарт, кәрілік Ыбырай Жақаев

Еңбек етпесең, не қорлықта қаласың, не ұрлыққа барасың.

Ілмектер: еңбек, ұрлық Лев Толстой

Сiз кез келген "Фордты" сатып ала аласыз, бірақ, оның түсі қара болады.

Ілмектер: көлік Генри Форд

Alfa Romeo-ны көргенде мен әрдайым бас киімімді шешемiн.

Ілмектер: Alfa Romeo, көлік Генри Форд

Ана тілі қайнаған қанның, қиналған жанның, толғантқан көңілдің, лүпілдеген жүректің сығындысы, онда дәм де, мән де болу керек.

Ілмектер: тіл, ана тіл, мән Сұлтанмахмұт Торайғыров

Біліп айтқан сөзге құн жетпейді,
Тауып айтқан сөзге шын жетпейді.
Өзің білмесең, білгендерден үйрен,
Үйренгеннен ештеңең кетпейді.

Ілмектер: сөз, үйрену Төле би Әлібекұлы

Егер қыздың кемшіліктерін білгіңіз келсе, оны құрбыларының алдында мақтаңыз.

Ілмектер: қыз, кемшілік Бенджамин Франклин

Өзіңді-өзің билеу – өзіңмен өзің соғысу деген сөз.

Ілмектер: билік, соғыс, нақыл, афоризм, қанатты сөздер Бальтасар Грасиан

Мен өлсем де өлемін жөнімменен,
Тәннен басқа немді алар өлім менен?!
Өлген күні апарып тығары – гөр,
Мен жоқ болам көміліп тәнімменен.
Тән көмілер, көмілмес еткем ісім,
Ойлайтындар мен емес бір күнгісін.
Жұрт ұқпаса ұқпасын жабықпаймын,
Ел бүгіншіл, менікі ертең үшін.

Ілмектер: өлім, жұрт, ел Ахмет Байтұрсынұлы

Тозған жұқа топтауға оңай,
Тозған жеңешке үзуге оңай.
Жұқа қалың болса,
Жіктейтұғын алып-ты.
Жіңішке жуан болса,
Үзетұғын алып-ты.

Ілмектер: алып, жұқа Білге қаған

Өз тілімен сөйлескен, өз тілімен жазған жұрттың ұлттығы еш уақытта адамы құрымай жоғалмайды.

Ілмектер: тіл, адам, ұлт Ахмет Байтұрсынұлы

Біз құстар секілді көкте ұшуды, балықтар секілді су астында жүзуді үйренгеннен кейін, енді тек адамға ұқсап жерде өмір сүруді үйрену ғана қалды.

Ілмектер: адам, өмір сүру Бернард Шоу

Ақымақ адам өз тілін тыя алмайды.

Ілмектер: тіл, ақымақ Саиф Сараи

Қазақ деген ел - бостандық-азаттық сүйетін, даланы, таза ауаны, таза суды, таза көгалды сүйетін халық.

Ілмектер: ел, қазақ, бостандық, халық Ғабит Мүсірепов

Терлеп еңбек етпегеннің тілегіне жеткенін көргенім жоқ.

Ілмектер: еңбек, тілек Бауыржан Момышұлы

Жаңалықтар

Нақыл сөздер

Пікірлер