Ер жігіт айтпайды,
Айтса, қайтпайды.

Ілмектер: ер, жігіт

---

---

Намысы бар жігіттің
Нар күшіндей күші бар.
Намысы жоқ жігіттің
Намыспенен несі бар?

Ілмектер: намыс, жігіт

---

---

Көр көкірек жігіттен
Ер көкірек егде артық.

Ілмектер: жігіт, ер

---

---

Арыстанды арыстандай жігіт алар.

Ілмектер: жігіт

---

---

Ер жігіт бір терінің ішінде
Семіріп толады да,
Арықтап солады да.

Ілмектер: ер, жігіт

---

---

Жігіттің жолбарысы —
Жол торымайды, ел қориды.

Ілмектер: жігіт, ел, жол

---

---

Арыстандай жігітте
Алатаудай үміт бар.

Ілмектер: жігіт, үміт

---

---

Жайсаң жігіт болғаның,
Жолдасың арқасы.
Қайсар жігіт болғаның
Қолбасыңның арқасы.

Ілмектер: жігіт, қайсар

---

---

Жібек белбеу — белдің көркі,
Батыр жігіт елдің көркі.

Ілмектер: батыр, жігіт

---

---

Бітісі жаман қамысты
Су ішінен өрт шалар.
Жүрісі жаман жігітті
Ел ішінен жау алар.

Ілмектер: жігіт, жау

---

---

Бөрі аулайтын жігіт
Бөрігінен белгілі.
Жау алатын жігіт
Серігінен белгілі.

Ілмектер: жігіт

---

---

Жігітті, бірде, майданда сына,
Бірде, бейғамда сына.

Ілмектер: жігіт, сын

---

---

Босаң жүрген жігітті
Бел үстінде бөрі алар.
Еркінсіген көкжалды
Ебін тапқан ер алар.

Ілмектер: жігіт

---

---

Ер жігіт елдікі.
Ебелек желдікі.

Ілмектер: ер, жігіт

---

---

Күміс тозса — күл,
Жігіт арыса — құл.

Ілмектер: жігіт

---

---

Ақ сұңқар ұшар жем үшін,
Ер жігіт туар ел үшін.

Ілмектер: ер, жігіт, ел

---

---

Сағы сынған жігіттің —
Қамшысының сабы сынар.

Ілмектер: жігіт

---

---

Ер жігіт —
Етек, жеңі кең жігіт.

Ілмектер: ер, жігіт

---

---

Жарлы атанар жігіт - байталын атқа айырбастайды,
Жалғыз қалар жігіт - ағайынын жатқа айырбастайды.

Ілмектер: жарлы, кедейлік, жігіт, ағайын, кедей

---

---

Адам болатын жігіт:
Әуелі өз нәпсісін билейді,
Сонан соң ауылын билейді,
Сонан соң аймағын билейді.

Ілмектер: адам, жігіт

---

---