Өлеңдер - Bilim

aaalimov

Көңіл суық, жетпей тұр сырласуға.
Жетпейді сөз айтуға, мұңдасуға.
Мен үндемей тұрсам да ауыз ашпай,
Сөйле досым, маңызды сыр жасырма.

Сенің ойың басқада,
Менің ойым-баспана.
Түнде кіріп түсіме,
Баспанамды ластама.

Тәуелсіздік - бұл менің бостандығым,
Он алтыншы желтоқсан тосқан күнім.
Ұрпақ көрсін еркіндікті деп күрескен,
Алты алаштың баласы қосқан үнін.

Уақыт өтті, сен мені сағындың ба?
Жалғыздыққа менсіз-ақ бағындың ба?
Түн жамылып,еңіреп жалғыз өзің,
Көздеріңнің жастарына малындың ба?

Жалғыз қалып сен кеткелі өмірімнен,
Оңашада тынышталып үйреніппін.
Байқалады сағыныштық көңілімнен,
Жаным әттең, сені іздеп күйреніп тұр.

Өкінішпен баса алмайсың өткеніңді.
Қиялдайсың, көп іздейсің күткеніңді.
Амалсыздан тарығып оңашада,
Сағынасың ерте-кеш кеткеніңді.