Суық тию немесе тұмау кезінде өзіңізге қалай көмектесуге болады?

Жедел респираторлық вирустық инфекциялар (ЖРВИ) балалар арасында ең көп таралған аурулар болып табылады және ата-аналар үшін ол ауру туралы білу өте маңызды. Осы аурулар кезінде тыныс алу жолдары зардап шегеді, сондықтан оларды тыныс алу аурулары деп атайды. ЖРВИ-нің ішіндегі ең қауіптісі — тұмау. Инкубациялық кезеңі бірнеше сағаттан 1-3 күнге дейін, әсіресе тұмаумен ауыратын 2 жасқа дейінгі балалар мен созылмалы аурулармен ауыратын 65 жастан асқан қарттар үшін қауіпті. Жүкті әйелдер де тәуекел тобына енеді.

Халықтың тұмаумен сырқаттану, асқынулар мен өлім-жітімді төмендетудегі жалғыз тиімді шара — бұл вакцинация.

Тұмауға қарсы иммунитет бір күнде пайда болмайды: оны қалыптастыру үшін уақыт қажет. Вакцинациядан кейінгі иммунитет 2-3 апта ішінде қалыптасады, 6-12 айға дейін сақталады. Эпидемия басталғанға дейін вакцина алып үлгеру керек.

Тұмау және басқа өткір респираторлық вирустық инфекциялар мен аурушаңдықтың өсу кезеңінде профилактиканың жалпы шараларын сақтау қажет:

— қолыңызды сабынмен жиі жуыңыз, әсіресе жөтелгеннен немесе түшкіргеннен кейін;

— пәтерді, үй-жайларды жиі желдетіңіз, сондай-ақ дымқылдатып тазалауды жүргізіңіз;

— далаға шықпас бұрын мұрын жолдарына оксолинді жақпа жағыңыз, бұл вирустардың тыныс алу жолына енуіне жол бермейді;

— жеке қорғаныш бетперделерін киіңіз.

Жаттығу жасау, спортпен айналысу, жақсы ұйқы, дұрыс тамақтану, көкөністер, жемістер, табиғи шырындар, компоттарды пайдалану суық тиюдің алдын алу (ауа-райына сәйкес киім кию) — бұл сіздің денсаулығыңызға кепілі болатын факторлардың толық тізімі емес екенін ескертеміз.

Оқуға кеңес береміз:

Тұмауға қарсы

Әлем елдерінде тұмауды қалай емдейді?

Суық тиюден емделу: шын мәнінде көмектесетін әрі қолжетімді әдістер

Әлеуметтік желілерде бөлісіңіз: