Жаппай қолма-қол ақшаға көшу. Халық пен салық

"Меніңше, бұл уақытша құбылыс. Жағдайды толық түсінбегендіктен кейбір кәсіпкерлер тарапынан дүрбелең пайда болды. Кәсіпкерлер мәселені дұрыс түсінгені жөн. Мемлекет үшін жұмыс істеліну керек. Олар "Сұр аймақтарда" ғана жұмыс жүргізбеуі тиіс. Қазақстан — мобильді аударым және қаржылық технологиялар бойынша ең цифрландырылған мемлекеттердің бірі. Өз басым электронды гаджеттерді белсенді қолданамын. Олар — өте ыңғайлы. Мобильді аударымдарды пайдалану кезінде адамдарға барлық операция көрініп тұрады. Жалпы, бұл экономикаға қатты әсер етпейді деген пікірдемін. Адамдар сауда жасауды жалғастырып жатыр", — деді министр Үкімет отырысында.

ҚР ҚМ Мемлекеттік комитет басқарма басшысының орынбасары: Біріншіден біздің мақсатымыз азаматтардың шоттарын тексеріп бұзушылық табу емес. Көлеңкелі бизнеспен айналысқан кәсіпкерлерді анықтау. Сондықтан тек кәсіпкерлердің мобильді аударымдарын қатаң бақылауға алу. Сәйкесінше, аударымдар кезең-кезеңімен тексеріспке ұсынылатын болады. Үш ай ішінде 100  аударым жасалса, шотыңыз тексеріске түседі", -  дейді Ерқанат Шыңберген.

МОБИЛЬДІК АУДАРЫМДАР КЕЗЕҢ-КЕЗЕҢІМЕН ТЕКСЕРІЛЕДІ

• 2023 жылы Мемлекеттік қызметкерлер, оларға теңестірілген тұлғалар және олардың жұбайлары
• 2024 жылы Мемлекеттік органдардың, квазимемлекеттік сектор субъектілерінің қызметкерлері мен олардың жұбайлары
• 2025 жылы Жеке кәсіпкерлер, заңды тұлғалардың басшылары мен олардың жұбайлары
• 2026 жылы ​Жалпы қазақстандықтар

Айта кететін жайт, қазақстандық кәсіпкерлер мобильді аударымдарға салынатын салыққа наразылық білдірген еді. Нәтижесінде олар тауарлар мен қызметтер үшін мобильді төлем түрінен бас тартып, қолма-қол төлем түріне көшкен болатын.

Даутбек Айдын

Әлеуметтік желілерде бөлісіңіз: