Аз жеу және аз сөйлеу

Аз тамақ жеу мен аз сөйлеудің пайдалары:

— Жүрек таза және нұрлы болады, тоқтық болса жүректі нашарлатып, ойды азайтады.

— Аш адамның жүрегі нәзік болады, жасаған ғибадаттарының ләззатын сезінеді.

— Аштық әлсіздік пен шаршау әкеледі.

— Тоқтық құтыртады.

— Тоқ адам нәпсісіне тұтқын болады.

— Аш адам аз ұйықтайды.

— Барлық ғибадаттардың негізі аз ұйықтау.

— Тоқ адам аш адамдарды және ақырет азабын ұмытады.

— Аз жегеннің дені сау болады.

— Аз жегеннің шығыны да аз болады.

— Аз жеу шеберлік, көп жеу ауру.

— Көп жеген көп ұйықтайды, бәрінен жалқау болады.

— Сөз күміс болса, үндемеу алтын.

— Қайырлы сөз – керемет, үнсіздік саламат.

— Көп сөйлеу зиян, аз сөйлеу – байсалдылық.

— Тіліне ие болған адам барлық жамандықтардан құтылады.

— Әзіл, мазақ және бос сөйлеу бәле-жалаға жол ашады.

— Ащы сөйлегеннен достары қашады.

— Даналықты көп сөйлеуден емес, үнсіздіктен ізде.

— Тіл тура нәрселерді айтып үйренбейінше жүректе туралық болмайды.

— Тіл кіші болса да, айыбы үлкен.

— Көп сөйлеу достықты бұзады, орынсыз сөйлеу айыптарды ашады.

— Өтірік сөз иманды әлсіретеді, әрі адамды масқара етеді.

— Мазақ күлдіруі мүмкін, бірақ жүректі өлтіреді.

— Жақсы сөз садақа, махшарға напақа.

---

Әлеуметтік желілерде бөлісіңіз: