Қоршаған ортаны қорғау – әр адамның міндеті

     Қоршаған ортаны қорғау – әрбір азаматтың басты міндеттерінің бірі. Өкінішке қарай, соңғы жылдары еліміздегі экологиялық жағдай күрт нашарлап барады: ормандар өртеніп, өзен-көлдер ластанып, ауаның сапасы төмендеп келеді. Мәселен, 2024 жылы 649 000-нан астам ауа үлгісі зерттеліп, соның 1,6%-ында зиянды заттардың шекті рұқсат етілген концентрациясынан асып кеткені анықталған.

    Қазақстандағы экологиялық ахуалы өте нашар қалалардың қатарына Қарағанды, Астана, Талғар, Ақтөбе және Ақсай жатады. Осы мәселені шешу мақсатында «Таза Қазақстан» экологиялық акциясы ұйымдастырылды. Бұл іс-шара аясында 1,1 миллион тонна қоқыс жиналып, 1,6 миллион ағаш отырғызылды. Мұндай шаралар қоршаған ортаның тазарып, көркеюіне оң әсер етеді.

Жеке адамның табиғатты қорғауға қосатын үлесі:

 • Суды үнемдеу;

 • Қоқысты сұрыптап тастау;

 • Ағаш отырғызу;

 • Пластик өнімдерді тұтынуды азайту.

Мемлекеттік деңгейдегі экологиялық шаралар:

 • Қоршаған ортаны қорғауға бағытталған заңдарды қабылдау және қадағалау;

 • Өндіріс орындарының экологиялық талаптарға сай жұмыс істеуін бақылау;

 • Экологиялық білім беруді дамыту.

Оқушылар мен жастарға арналған экобастамалар:

 • Мектептерде экоклубтардың жұмысын ұйымдастыру;

 • Сенбіліктер өткізу;

 • «Жасыл мектеп» бағдарламаларын енгізу.

Табиғат – адамзаттың өмір сүру көзі. Оны сақтау – бәріміздің ортақ борышымыз!

«Journiverse» білім беру орталығының оқушысы: Абдраман Аяужан