Ұлттық құрылтай V отырысы: қоғамның жаңа даму бағыты

Қазақстан қоғамының әлеуметтік-саяси дамуы қазіргі кезеңде белсенді жаңғыру үдерісі арқылы жүруде. Осы орайда елдің болашақ дамуын айқындайтын маңызды институттардың бірі — Ұлттық құрылтай. 2026 жылғы Ұлттық құрылтайдың V отырысы Қызылорда қаласында өтті. Оған Мемлекет басшысы Қасым-Жомарт Тоқаев төрағалық жасап, қоғамның әр саласына қатысты өзекті тақырыптарды талқылады және стратегиялық бағыттарды белгіледі, – деп хабарлайды Казинформ. Бұл құрылтай қоғам үшін өзекті сұрақтарды көтеріп, болашаққа деген жалпы көзқарасты қалыптастыруда маңызды рөл атқарады. Басқосу барысында ел дамуындағы стратегиялық мақсаттар белгіленді және алдағы кезеңнің басым бағыттары талқыланды. 

Құрметті тұлғалар мен сарапшылар өз ойларын ортаға салып, азаматтық қоғамның нығаюы, әлеуметтік теңдік пен әділеттілікті күшейту тәрізді тақырыптарды көтерді. 

Бұл туралы Мемлекет басшысы:

Жаңа ғана сөз сөйлеген Құрылтай мүшелері маңызды ой-пікірлер айтты. Құрылтайдың аясында пайдалы пікір алмасулар болды. Барлығы еліміздің дамуына қажетті боларына сенемін, – деді.

Бұл отырыстың ерекшелігі – қоғамның барлық топтарының қатысуы және нақты ұсыныстардың жасалуы болды, яғни пікір алмасу белсенді түрде жүргізілді.

Ұлттық құрылтайдың V отырысы еліміздегі әлеуметтік-экономикалық және саяси дамудың келешегі туралы стратегиялық белгілерді айқындауда маңызды рөл атқарады. Бұл жайлы Қасым-Жомарт Тоқаев:

«Осы ретте, Ұлттық құрылтай айрықша рөл атқарғаны сөзсіз. Төрт жылда құрылтай мүшелері ел өміріне ықпал ететін көптеген маңызды бастама көтерді. Ұлттық құрылтайда айтылған ұсыныстардың негізінде 26 заң қабылданды. Осының өзі Құрылтай ауқымды реформалардың негізгі қозғаушы күші болғанын айқын көрсетеді. Әйелдердің құқығы мен балалардың қауіпсіздігін қамтамасыз ету үшін нақты қадамдар жасалды. Лудоманияға, яғни ойынқұмарлыққа және нашақорлыққа қарсы белсенді күрес жүргізіле бастады. Ономастика саласындағы жұмыстар ретке келтірілді. Мемлекеттік наградалар жүйесіне жаңадан құрметті атақтар енгізілді. Сол арқылы еңбек адамдарының мәртебесі арта түсті.

Бұдан бөлек біз ұлттың жаңа сапасын қалыптастыратын басты құндылықтарымызды айқындап алдық. Ұрпақтың болашағына зиянын тигізетін кеселдерге барынша тосқауыл қоятын болдық. Құрылтай мүшелері өткен жылғы жиында ішкі саясат саласын ретке келтіру туралы бастама көтерді. Тиісті құжатты әзірлеуге өздеріңіз белсене атсалыстыңыздар.

Былтыр Қазақстан Республикасы ішкі саясатының негізгі қағидаттары, құндылықтары мен бағыттары бекітілді. Енді, осы құжатты басымдық ретінде қарап, белсенді түрде іске асыруымыз керек», деді.

Әлеуметтік желідегі талқылаулар көрсеткендей, кейбір азаматтар құрылтайдың нәтижелерін күнделікті өмірдегі нақты өзгерістермен байланыстыруды қалайды. Қоғамның барлық деңгейінде ұсынылған ұсыныстарды жүзеге асыру үшін нақты іс-шаралар мен уақыт кестесі қажет. 

Болашақта құрылтай қорытындылары бойынша нақты жоспарлар мен межелер жарияланып, халыққа түсінікті түрде жеткізілуі маңызды.

Қолданылған дереккөздер:

•Казинформ 

•Akorda.kz 

•Egemen 

•Almaty.tv