Бойжеткенді құттықтау

Ару қыз!
Уылжыған алмадайын,
Қызыл гүл,
Аппақ тілек бар маңайын.
Құлаш ұр арманыңның асқарына
Құс болып алтын қанат самға дәйім.
Көркіңе таңдай қалып, көл дір еткен,
Отырсың көгілдірдей мөлдіреп сен.
Лебізің жүректерді елжіреткен.
Сәбидің, көңілі пәк, бір арусың,
Желкенің жүректердің желбіретен.
Сыпайы сүйіндірген қылықтарың,
Гүл бағын Махаббаттың ұмытпағын.
Жасыңа жас қосылып, жүзің жайнап,
Алдыңнан ата берсін күліп таңың.

*** *** *** ***

Өмірдің жазынан, күзінен,
Әр батқан кеш сайын, таң сайын,
Шұғыла нұр шашар жүзінен,
Болшы сен ел сыйлар ханшайым.
Бұйырған маңдайдың бағына,
Бір сенде - құт пенен дәулет те.
Ақ сәуле төгетін жаныма,
Жұлдыз боп тудың сен әулетке.

*** *** *** ***

Әлеуметтік желілерде бөлісіңіз: