Өлең, жыр, ақындар

Жол үстінде

  • 25.05.2019
  • 0
  • 0
  • 1910
Жол үстінде екеу тұр,
Ағып келеді машина.
— Таныс шопыр екен бұл,
Дейді бірі досына.
Қол көтерді жақын кеп
Машина да тоқтады.
Екеу мінді бас изеп,
Көп сөйлесіп жатпады.
Бірі — едәуір жастағы
Колхозшы, бірі — агроном.
Қарт кеңесті бастады,
Бір жайланып алған соң.
— Бұл шопыр ма, бұл шопыр,
Тілеуі болғыр, жақсы адам.
Бұл сөйлесе күл де отыр,
Ойынпаз - ақ, жарқын жан!
Бес жыл, бәлкім, одан да
Істегелі көп шығар.
Мұны біздің ауданда
Танымайтын жоқ шығар.
Жазда, күзде, көктемде,
Жүргені ылғи қатынап.
Келсе — шай-қант, кетерде —
Азық, май, жүн артып ап.
Қажығанын білмейсің,
Ылғи жарқын осы күй.
Адал еңбек иесі
Аты өзінің Василий.
Бұған құрмет етеді,
Біздің колхоз адамы, —
Деп қария шертеді...
Машина ағып барады...



Пікірлер (0)

Пікір қалдырыңыз

Қарт хатшының сыры

  • 0
  • 0

«Туған жер, нұр топырақ, балдай суым,
Арбайды қай сиқырың, қандай сырың?
Баурында барлық өмір барады өтіп,
Болған соң тәттілігің балдай шырын.

Толық

Жалын биі

  • 0
  • 0

Алатауда киік болып зырладың,
Аттап-аттап ақ ала бас шындарын,
Есіккөлді көре салып қарғыдың,
Ойламастан аңдап тұрған кім барын.

Толық

Көкшетау естеліктерінен

  • 0
  • 0

Қол сілтеп қол тигізбес көп сылтауға,
Ем іздеп жан-тәндегі дерт сырқауға,
Қашаннан ақын жүрек аяушысы
Мен кеттім, кеттім содан Көкшетауға.

Толық

Қарап көріңіз