Өлең, жыр, ақындар

Жақсы өлең

  • 26.05.2019
  • 0
  • 0
  • 1438
— Қалайын бір тыныстап,
Жазшы, құрбым, жақсы өлең!
— Тұрсың қызыл гүлге ұқсап,
Жыр асып па нақ сенен?!
— Оның жігіт әзіл де,
Нәрсіз гүл де құлпырмас!
Жақсы жырды әзірле,
Жан шөлдесе, сусын бас!
— Жақсы, құрбым, мен жазам,
Тақырыбын айтшы бір!!
— Тақырыбы — жас адам,
Тақырыбы — осы өмір.
Шабыт жиып, әл жиып,
Жаздым өлең, ғажап бұл!
Өлеңімнен жымиып,
Қыздың өзі қарап тұр.
* * *
Кешір, маған, жас сұлу,
Кешір жастық өмірде.
Шын жүрекпен сөйлесу,
Әзіл емес ол мүлде.
Кешір, бәлкім, ол сөзді
Келістіріп айтпауым.
Үміт шын - ақ қол созды,
Тек ретін таппадым.
Кешір, жарқын жүзбенен
Не қалса да есінде.
Бірақ сені өзгеден
Қызғанышымды кешірме!



Пікірлер (0)

Пікір қалдырыңыз

Астанада көшесі бар Гогольдің

  • 0
  • 0

Астанада көшесі бар Гогольдің,
Астанада қызыл гүлдей жарым бар.
Сол көшемен мендік бақытты өмірдің
Сол жарыммен қыдырған бір шағы бар...

Толық

Соқты боран

  • 0
  • 1

Соқты боран,
«Соқты» деген жай сөз ол.
Көз алдында көрінбейді созған қол.
Аппақ болып шыға келер әп-сәтте

Толық

Ақындар күнінде

  • 0
  • 0

Жүрегімнен тұңғыш ұшқан қарлығаш,
Аспанымда әдемі ізің қалды, рас.
Бір жыл болды, хабарың жоқ, қайдасың,
Басты сені көкірегіне қай құрдас?

Толық

Қарап көріңіз