Өлең, жыр, ақындар

Ақын үні

  • 09.06.2019
  • 0
  • 0
  • 1235
Мен өзіңнің кішкентай лағың едім,
Асыл әже, басыңа тағы келдім.
От кеудемде ұлы арман бұлқынады,
Ақтасам деп үмітін қалың елдің.
Қимасым боп кеудемде жүрсің әлі,
Сыйға тартып өзіңе асыл әнді.
Көз алдыма елестеп сен апарған
Шағын мектеп базардың басындағы.
Сүрлеу жолмен сен өзің жетектеген,
Сырымды айтып кезім жоқ жыр төкпеген.
Жүргендейсің жанымда, ұлы ұстазым,
Жылу төгіп мейірлі жүрекпенен.
Жоғалтпасқа киелі бағаларың,
Қасиетін қастерлеп бабалардың.
Өзің берген демменен,асыл әже,
Бәрін,тегіс түгелдей араладым.
Бұлағынан сусындап мөлдір тұнық,
Іздерінен жырыммен желкен құрып,
Өсиеттерін хат қылып жырмен жазып,
Әрбір сөзін Пір тұттып,қанатқа іліп.
Нұр шуағы тигендей маңдайыма,
Бір тіл қатшы,ақ әже,торғайыңа.
Қанша сапар жол шегіп,ел кезгенмен,
Сен пісірген таба Нан таңдайымда.
Сүйікті әнің жаныма мұра қылған,
Бесік жырың кетпестен құлағымнан
Шат күндерді толғанып есіме алып,
Саған келдім,ақ әже,қуанғаннан,
Әже десе кім сірә елжіремес,
Өн бойымда теңіздей тулаған ән.
Ұлы болғың келсе,ұлым,ұлтыңды сүй,
Деген сөзің жанымда жалау болған!



Пікірлер (0)

Пікір қалдырыңыз

Дияр ата үні

  • 0
  • 0

Раш әжең сені өсірген аялап,
Көз алдымда алтыншы ауыл сая бақ.
Маңдайыңнан сипау үшін,құлыным,
Барушы едім Жемнен өтіп жаяулап!

Толық

Арал батыр үні

  • 0
  • 0

Қолыма семсер алып он бес жаста,
Мен ендім қанды майдан сан соғысқа.
Бостандық-ел тұтқасы Тәңір сыйын,
Басқыншы бұғау салып былғамасқа.

Толық

Әбілқайыр хан

  • 0
  • 0

О, Муза Тәңір берген қыз бөбегім,
Бабамның ерлік даңқы іздегенің.
Міне біз хан молаға жеттік бүгін,
Бір жұтып қоңыр салқын күздің лебін.

Толық

Қарап көріңіз