Өлең, жыр, ақындар

Тыныштық

  • 20.07.2019
  • 0
  • 0
  • 2454
Шашырап алтын шапағы,
Тамылжып таңдар атады.
Асығып барлық адамдар,
Жұмысқа бара жатады –
Осының аты Тыныштық.
Шашырап алтын шапағы,
Тамылжып таңдар атады.
Моншағын мөлдір шашу ғып,
Субұрқақ көкке атады –
Осының аты Тыныштық.
Қуантып ата, апаны,
Шырқалып сұлу, шат әні,
Бақытты балғын бөбектер
Бақшада ойнап жатады –
Осының аты Тыныштық.
Қызарып барып шапағы,
Алаулап күн де батады.
Қайтады ел де үйіне,
Тындырып ісін сапалы –
Осының аты Тыныштық.
Қызарып барып шапағы,
Алаулап күн де батады.
Бақытты балғын бөбектер
Балбырап ұйықтап жатады –
Осының аты Тыныштық!



Пікірлер (0)

Пікір қалдырыңыз

Қалмақбаев

  • 0
  • 0

Жақсы менен жаманды салмақтайық,
Артық туған ағаны ардақтайық.
Бір кездері жойылған жоңғарлардай,
Көрінбей қайда кеттің, Қалмақбаев?

Толық

Кітап жаршысы

  • 0
  • 0

Бақытты мына заманда
Кітапқа құмар бар кісі.
Маған да керек, саған да
Қызықты «Кітап жаршысы».

Толық

Айнат

  • 0
  • 0

Десең сен кімді:
Өнерлі, әйбат?
Өзгеге үлгі,
Ол – біздің Айнат.

Толық

Қарап көріңіз

Басқа да жазбалар