Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Абдрахман Асылбек

Алматы, асқар тауың аялаған

Бұл бетте «Алматы, асқар тауың аялаған» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

31.07.2019
0
0
1564

Алматы, асқар тауың аялаған,
Баурында сен балапан саялаған.
Әсемдік әлемдегі бір өзіңде,
Табиғат сыр-сымбатын аямаған.
Тірелген тауға барып көшелерің,
Шайқалған шатқалыңда кесе көлің.
Көрген жан көзі қиып кете алмайды,
Жаннаты – жер жұмағы деседі елім.
Тауларың мүлгіп тұрған көкте өрімдей,
Тамаша табиғаттың көктеміндей.
Таңертең ұшқан бұлттар шыңдарынан
Талпынған бейбітшілік кептеріндей.
Сен бір сәт құшып күннің шұғыласын,
Сен бір сәт бұлт астына тығыласың.
Сен бір сәт төгіп-төгіп жаңбырыңды,
Күніне әлденеше құбыласың.
Алатау бейне биік асқар аға,
Кетеді қиялымды бастап ала.
Төкпелі мінезің бар ұқсай қалған
Жайдары, жүрегі пәк жас балаға.

Абдрахман Асылбек алматы асқар тауың аялаған Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар