Сайра

Маңдайың біткен жазық бақ тамғандай,
Көзіңіз қараңғы үйде шам жанғандай.
Әзілмен бір-екі ауыз сөз сөйлесең,
Естіген жан жамағат таң қалғандай-ай,

Қайырмасы:
Жан сәулем, қайдасың,
Сен есіме түскенде,
Қызыл тілім сайрасын.

Тіліңіз шекер менен балдан тәтті,
Ажарың, ой жіберсем, нұр сыйпатты.
Отыз тіс аузыңызда меруерттей,
Анадан тумас адам дәл сіз затты.

Қайырмасы:
Жан сәулем, қайдасың,
Сен есіме түскенде,
Қызыл тілім сайрасын.

---