Өлең, жыр, ақындар

Медеу еттім...

  • 21.04.2020
  • 0
  • 0
  • 902
Өзімді-өзім табам деп жол іздедім,
Айқұш-ұйқыш қалды артта мол іздерім.
Қанша адаммен сапарлас, жолдас болдым,
Бір кемеге мінгескен тәрізді едім.

Ащы, тұщы дәм таттым, тұшынғандай,
Оңғаршы деп қашанда ісімді Алла-ай.
Ұлы Жібек жолымен керуен тартып,
Меккеге бағыт алған мұсылмандай.

Кешегі Арыстанбаб жолы қандай,
Яссауи ілімімен толығардай.
Қыдыр Ата жол нұсқап, не түндерде,
Жорттым мен, жарық шырақ қолыма алмай.

Жолаушы болдым сондай көнтерілі,
Ақ арман іздегем жоқ ертегіні.
Қанша жерде қарайтып ақ жолымды,
Қанша қарау пенделер жол торыды.

Жараланды жүрегім, қаным ақты,
Медеу еттім, бір Құдай, аруақты.
Өз жүрегім - өзіме мешіт болды,
Ар-ұяттан тұрғыздым шаңырақты.



Пікірлер (0)

Пікір қалдырыңыз

Түнгі оттар

  • 0
  • 0

Жүрген жерім серуендеп – қала маңы,
Жанған отқа құмарттым даладағы.
Шетке шығып шаһардан алаулатып,
Отыр өңшең қазақтың балалары.

Толық

Өмір — бір күн

  • 0
  • 1

Ей, Тағдыр, тағы мені сынадың ба,
Онсыз да жүрмін Алла сынағында.
Пешенеме жазылған пәруана-жыл,
Құладым ба, ая деп, жыладым ба?

Толық

Толқын — өмірім

  • 0
  • 0

Көл жағасы, тылсым - тыныш жан-жағым,
Толқындардың тербелісін таңдадым.
«Ей, толқындар, қайда алып барасың,
Көлде жүзген қос аққудың арманын?»

Толық

Қарап көріңіз