Өлең, жыр, ақындар

Кiргiзетiн кiшкене үйдiң қызуын

  • 12.07.2020
  • 0
  • 0
  • 1013
Кiргiзетiн кiшкене үйдiң қызуын,
Қызым менiң, кiп-кiшкентай қызығым.
Қазiр сенiң былдыр қаққан бесiгiң,
Ашар ертең кең дүниенiң есiгiн.
Аспан, күндi өз көзiңмен көрерсiң,
Жаратқанның құдiретiн сезерсiң.
Ой ойларсың ұзақ түнге жатып ап,
Не болмаса сол ойлыны бақылап.
Тек әйтеуiр адал болсаң болғаны,
Осы болды жан әкеңнiң арманы.
Жағалауға жүзген жандай жан сала,
Басы қатты ой-қиялдан қаншама.
Сол ой-қиял сенi де алып кетердей,
Мiне, отыр ол қасыңда
жөтел қысса да жөтелмей.
Тiлек айтпас дана бол деп ол саған,
Тiлек айтпас бала бол деп ол саған,
Ерте ме кеш балалық шақ өтедi,
Бiр ғұмырға бiр балалық жетедi.
Кезiң келер таным-талғам толысқан,
Тек аман бол, өз iсiңе бекем бол,
Бiр адамға бiр ғұмырға жетер сол.
Жан әкеңдей сыйла туған тiлiңдi,
Тiл деп жүрiп жүрегi оның тiлiндi.
Мiнезiмен ұқсап қалған далаға,
Оған емес, ұқсашы ана анаңа.
Көшесiне әкең ойы шашылған,
Мына қала сипамайды басыңнан.
Бiр тұрғанда дала желi әкелген
Өзгерек бол, кiшкентайым, әкеңнен.
Алда талай сырласар сәт бар әлi,
Шешең сынды болсаң алғыр жарады.
Ниетi мен пейiлiн де бiрге алғын,
Әлi талай жазылатын жырымда,
Екеуiңдi егiз қылып жырлармын.
Қызым менiң, кiп-кiшкентай қызығым,
Кiргiзетiн бiздiң үйдiң қызуын.



Пікірлер (0)

Пікір қалдырыңыз

Шәмбi туралы баллада

  • 0
  • 0

Бұрында да тұрмаған-ды жұтынып,
Тiршiлiгi қазiр тiптен жұпыны
Қарсы алды ауыл ақын ұлын будақтап,
Мың үйiнiң мұржасының түтiнi.

Толық

Шелли ажалы

  • 0
  • 0

Шелли ақын суға батып өлерде,
Ненi ойлады асау толқын көмерде?
Сездi ме екен асыл жүрек тұншыққан,
Өлiмi де айналарын өлеңге.

Толық

Белгiсiз қала

  • 0
  • 0

Тоғыз жолдың тоғысқанмен торабы,
Қайда екенiн таба алмайтын қонағы
Бұл қалада көктемдi ешкiм бiлмейдi
Мұнда өйткенi он екi ай қыс болады.

Толық

Қарап көріңіз

Басқа да жазбалар