Ақшамда ашқан Ақандай перiге сырын

Ақшамда ашқан Ақандай перiге сырын
оңаша қалсам,
Ай қадап желiге сұғын,
Алатау жақтан самалдың лебi келедi,
оның да қайталайтыны –
сенiң есiмiң.
Жаһанға жеттi жанымның шырылдағаны,
Құдайым бiрақ кектенiп қырын қарады.
Жырым қалады артымда жетiмсiреген,
жел өпкен гүлдей жүрегiм дiрiл қағады.
Болсам да ханның ұлындай,
қажыдым тiптен,
пендемiн бейне әзәзiл әзiлiн күткен.
Аумаймын Имру-л-Қайстан
муллақаттарын
Унейзаға арнап,
баз кешкен мәжнүндiкпен!..

---