Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Әлди бөпем

Жәди Шәкенұлы

Әлди бөпем

  • 12.08.2020
  • 0
  • 0
  • 3637
Әлди, әлди, құлыным,
Құлдыраңдап шаба ғой.
Мамашыңның қасында,
Бақытыңды таба ғой.
Әлди, әлди, бөпешім,
Қозым болып тоя ғой.
Мамаңды көп сора ғой,
Жылағанды қоя ғой.
Әлди, әлди, бөпешім,
Әлі-ақ өсіп жетесің.
Әкешіңдей тұлғалы,
Азамат боп кетесің.
Қалам алып қолыңа,
Талай нәрсе жазарсың.
Еңбектеніп ерінбей,
Білім нәрін қазарсың.
Ел мен жерге аты бар,
Егейлерден боларсың.
Отан үшін от кешіп,
Суығына тоңарсың.
Әлди, әлди, бөпешім,
Бар ғылымға маман бол.
Ең әуелі адам бол,
Айналайын, аман бол!

Жәди Шәкенұлы бөпе әлди бесік жыры әлди бөпем Жәди Шәкенұлы өлеңдері

Пікірлер (0)

Пікір қалдырыңыз

Таң

  • 0
  • 0

Сұлу таң сүйкімді,
Аппақ нұр себеді.
Табақтай жарқырап,
Күн шығып келеді.

Толық

Таудай бала

  • 0
  • 0

Алма берсем атама,
«Таудай-таудай бол!» дейді.
Алмұрт берсем апама,
«Таудай бол!» деп сөйлейді.

Толық

Имандылық әліппесі

  • 0
  • 0

«А» әрпімен Алланың басталады есімі,
«Б» әрібі «бисміллә» барлық сөздің есігі.
«Ә» әрпінде, әрине, әдеп жатыр таусылмас,
«И» әрібі иманың ізгіліктің бесігі.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер