Өлең, жыр, ақындар

Болашаққа біздер солай жол алдық

  • 03.02.2021
  • 0
  • 0
  • 620
Болашаққа біздер солай жол алдық,
Аппақ, адал сезімдерді обал ғып.
Бұлдыр-бұлдыр елестерді қуалап,
Бұйра-бұйра бұлтқа сіңіп жоғалдық.

Сезбеппіз-ау,
Көктем ғұмыр өткенін,
Күтіп жүріп саралақаз жеткенін.
Буаз бұлттар қарындарын сүйреткен,
Ақ жауынға айналып бір төккенін.

Біздің солай екі айрылған жолымыз,
Тағдырдан ғой, бағымыз да сорымыз.
Қолын бұлғап әлсін-әлсін шақырды,
Сағынышқа толы күз...

Біздер мәңгі жолықпайтын шығармыз,
Көңілмен бір толықпайтын шығармыз.
Үміттердің шамы қалғып кеуде де,
Үнсіз қалып тынармыз...

Бұла-бұла сезімдерді обал ғып,
Қобалжыдық, қорқынышқа тоналдық.
Құс секілді құба даусын құлатып,
Құрақ-құрақ бұлтқа сіңіп жоғалдық.



Пікірлер (0)

Пікір қалдырыңыз

Шын ақындар

  • 0
  • 0

Құдайдың да сезімнің де құлдары,
Мұнараға айналатын мұңдары.
Жалғандағы жанашыры олардың,
Жалғыз ғана жырлары.

Толық

Дағдару

  • 0
  • 0

Кезбе бұлттар кеңістікте қаңғырып,
Қара таудан естіледі жаңғырық.
Тірлігіне пенделердің аярлық,
Аспан тұрды төбесінен паң күліп.

Толық

Не сыйлайды тағдыр деген жол алдан

  • 0
  • 0

Не сыйлайды тағдыр деген жол алдан,
Жапырағы күз желіне тоналған.
Қайың тұрды теңселіп,
Құдіретіне жел сеніп.

Толық

Қарап көріңіз

Басқа да жазбалар