Өлең, жыр, ақындар

Қайта-қайта санамда жаңғырдың, гүлім

  • 13.04.2021
  • 0
  • 0
  • 1018
Қайта-қайта санамда жаңғырдың, гүлім,
Іздеп сені қалада қаңғырдым бүгін.
Өлең жазам деп едім сезімді-ойлы,
Сүйкеп жаттым дәптерге жаңбырдың жырын.
Сағыныш менің жатқанда санамды сабап,
Аспанды да бұлт басып қабарды қабақ.
Батып кетті күн дағы елемей мені
Жан-жағымды тұмшалап қараңғы қамап.
Елеңдеп тұрды дегенмен ақымақ құлақ,
Миымда бір найзағай шатынап құлап.
Жүрегімнен үзілген мөлдір тамшыдай,
Айналамды орады жапырақ жылап.
Кезе алмадым дәл бүгін күлімдеп қырды,
Қазанның желі бетімнің суын кептірді.
Өзіңмен бірге кеткен соң амалым қайсы,
Жүрексіз кеудем азынап, уілдеп тұрды.



Пікірлер (0)

Пікір қалдырыңыз

Пенделер істейді екен өз дегенін

  • 0
  • 0

Пенделер істейді екен өз дегенін,
Ал менің сәл бөлектеу көздегенім,
Халықтың датын айтып өтсем деп ем
Жүрекке салғаннан соң сөз көгенін.

Толық

Лебі еспей менен жаздың

  • 0
  • 0

Лебі еспей менен жаздың,
Ойым быт-шыт, өлең жаздым.
Сөз жүйесі жүйкелеген,
Құралмаса, неден мәзбін?

Толық

Тырс, тырс, тырс

  • 0
  • 0

Тырс, тырс, тырс,
Желдетеді, тамшы ұрады.
Өшіп-жанып лыпылдап жан шырағы,
Жүрегім әрнені ойлап қансырады,

Толық

Қарап көріңіз