Өлең, жыр, ақындар

Суретке қарап...

  • 13.04.2021
  • 0
  • 0
  • 1113
Сен екеуің бақытты-ақ шығарсыңдар,
Көпшілікке көз құрт боп ұнарсыңдар.
Алтын сәуле аймалап жүздеріңді,
Махаббаттың мәнін де ұғарсыңдар.
Кім түсінер сендерді менен бөлек,
Сендерменен қосылар денемдегі от.
Дәл екеуің секілді мына біздер,
Табынамыз беріліп өлеңге көп.
Біз туралы шынында ел не демек,
Ағайындар тым бөлек дөңгелемек.
Махаббаттың заңымен жүрсем дейтін,
Ұрынармыз салт құрған кермеге кеп.
Сен екеуің бақытты-ақ шығарсыңдар,
Көрген жанға алыстан ұнарсыңдар.
Махаббатым үшін мен шейіт кетсем,
Адам емес, тек сендер ұғарсыңдар!
Сендер шын-ақ бақытты екенсіңдер,
Бірақ, біздің әлемге бөтенсіңдер.
Біз ұққанмен сендерді, түсінгенмен,
Тірілерді ұға алмай өтерсіңдер.



Пікірлер (0)

Пікір қалдырыңыз

Сен екеуміз оңаша кете бердік

  • 0
  • 0

Сен екеуміз оңаша кете бердік,
Қолымыздан келмейтін бөтен ерлік.
Көбелектей қыз едің көп нәрсені
Қанатында қауқар жоқ көтерерлік.

Толық

Басым сынып барады, басым сынып

  • 0
  • 0

Басым сынып барады, басым сынып,
Жарым отыр жанымда жасын сығып...
Құбыжыққа айналған қоғам мынау
Барлық сөлін ап қойған ғасыр сығып.

Толық

Сендер маған ұрыспаңдар, өтінем

  • 0
  • 0

Сендер маған ұрыспаңдар, өтінем,
Сәл еркінсіп, серуендеп кетіп ем.
Қалам малып бал шараптың буына,
Құс өте алмас мұхиттардан өтіп ем.

Толық