Өлең, жыр, ақындар

Сыныққа сылтау іздеп мен келгенде

  • 31.05.2021
  • 0
  • 0
  • 792
Сыныққа сылтау іздеп мен келгенде,
сен енді сала берме сергелдеңге,
ешкім жоқ екеумізді аңдып тұрған,
бірдеңе дерміз, тіпті, көргендерге...
Қашасың ананы айтып, мынаны айтып,
барады-ау со қылығың ұнамай түк...
Апыр-ау, сені көрмей тұрғанда мен
жүргенмін бұл өмірде, жүдә қайтып!!
Білмедім азабың ба, мазағың ба,
батырып қойдың мені таза мұңға.
Қалқам-ай, қарап тұрып қашқақтарлық,
кімің бар менен жақсы қазағында?!
Салардай келеке мен келемежге,
кімің бар қадірліден менен өзге,
еркек боп есіріктің оңбасын да,
білемін қонбасын да бедел езге!
Әрі өтем ауылыңнан Алакөлге,
бері өтем — жол тостырып тамам елге.
Сыныққа сылтау іздеп,
қашқалақтап
мені сен сергелдеңге сала берме!



Пікірлер (0)

Пікір қалдырыңыз

Ішкенім де жегенім күшаладай

  • 0
  • 0

Ішкенім де жегенім күшаладай,
өмір еді неткен бұл құсаға бай,
атқылап-ақ жатқаны қайғы мен мұң,
қатар қойған қалқансыз нысанадай!...

Толық

Мүмкін-ау

  • 0
  • 0

Мүмкін-ау...
мүмкін...
мүмкін,..
мүмкін бәрі —

Толық

Өкпелеме

  • 0
  • 0

Ұната ма өзіңді, жек көре ме,—
ренжисің ол үшін кепке неге?
Көңіліңді қалдырған досыңа да,
қасыңа да бекерге өкпелеме.

Толық

Қарап көріңіз