Өлең, жыр, ақындар

Арман-қиял, не жең мені, не жеңдір

  • 31.05.2021
  • 0
  • 0
  • 916
Арман-қиял, не жең мені, не жеңдір,
арғы бетте арбау барын сезем бір,
керуен біткен кері айналып лезде,
ақсақ түйе алға түскен кезең бұл.
Амалың жоқ, енді билік соларда:
салдыр-гүлдір сазы бөлек қол арба...
Ақсақ түйе...
аяқтыға жол бермей,
тұлпарды да түсірмей тұр ол алға.
Қисық арба қисалаңдап түсті алға,
енді күн жоқ досыңа да, дұшпанға,
кімнің көзін оям дейсің кіжініп,
қайда бара қоям дейсің... ұшқанда!
Көк желкеңнен жаныштайды жат салмақ,
ей, ағайын, дабылыңды қақсаң — қақ!
Ақсақ түйе бара жатыр ақсаңдап,
сен қарайсың екі көзің ақшандап!
Кілт бұрылып кете де алмай сен дербес,
көп қазақтың бірі болдың керуенге еш, —
енді кімге өкпелейін, құдай-ау,
ақсақ түйе көпке дейін...
жол бермес!



Пікірлер (0)

Пікір қалдырыңыз

Бәрі бекер

  • 0
  • 0

Қыдырып, қыз-дүние, тізіле көш,—
үздігіп көрген жоқпын үзіп өңеш,
мүмкін-ау үдеуі де,
жүдеуі де, —

Толық

Ғабит аға

  • 0
  • 0

Қалпында бірде кердең, бірде менмен,
ұқсамай өзгелерге күнде көрген
қайда да биігірек тұрушы едің
айнала биікпіз деп жүрген елден.

Толық

Ақылың бар

  • 0
  • 0

Ақылың бар,
айлаң бар,
жіберіпсің кімге есе,
қайыры жоқ хайуандар

Толық

Қарап көріңіз