Бұйырып тұрса үзім нан

Бұйырып тұрса үзім нан
Кәпірдің қолынан да татасың.
Алланың болса әмірі
Жат топырақта да жатасың.
Бақ келіп қонса бармақтай
Шыққан тегіңе қарамай
Байлық теңізіне де батасың.
Ақсүйек болып айтулы
Ақылгөй болып та үн қатасың.
Тек жасыра алмайды
Уақыт емшінің өзі де
Ісіңнің барша қатасың.
Замандардан әрқашан
Сыр тартатын кемел бар
Сөйлейтін тіл-жақ болып
Өлең-жыр деген өнер бар.
Дүниенің ісі дүниеде қайтып,
Пәндәнің ешқандай ісі
Бақиға кетпейді деген бар.

---