Өлең, жыр, ақындар

Ақ халатты абзал жан

  • 09.08.2021
  • 0
  • 0
  • 1816
Қазақстан Республикасына еңбегі сіңген дәрігер, Байғара-Ақтайлақ би қоғамдық, қорының Президенті Мұхтар АЙТХАЗИНГЕ

Тәңірінің жазуымен мынау ғалам —
Ғажайып түрлі мәнге толы Алаң.
Әуелде маңдайына Алла жазып
Қойғанды сол Алаңнан алады адам.
Бұйырады ол біреуге ақыл болып,
Өнер деп біреу риза мақұл болып.
Ғылым деп біреу көпке ризық етіп,
Құр қалмайды жан атаулы ғапыл болып.
Атайды мұны ризық — несібе деп,
Еңбегі, енді бірдің кәсібі деп.
Жер басқан ғаламдағы пәндә адамның
Әйтеуір несібесіз нәсілі жоқ.
Мұхтаржан сенен Алла аямаған,
Ерекше нұрын төгіп аялаған.
Ақындық, әншілік һәм ғылым беріп,
Жаратқан жан ғып еңбек саялаған.
Азамат ақ халатты аққан терім,
Тәнті боп еңбегіңе мақтанды елің.
Әр жанға денсаулықтай байлық үлеп,
Адамға өмір сыйлап жатқан керім.
Алпысың — мерейтойың құтты болсын,
Басыңа түгесілмес бақыт қонсын.
Айтқазин Мұхтар атың әлемді алып,
Аймағыңа ақ ордалы ауыл қонсын.
Сырбазы ер жігіттің ақ саңлағы,
Қолдасын Ақтайлақтай би аруағы.
Ұл-қызың, немерелер оза самғап,
Гуляңмен қоса ағар бақшаңдағы.
Екі қырық, бір жиырмадан жасың ассын,
Ырызық, ырыс-несібең толып тассын.
Бүгіннің өнер сүйген Сал-серісі
Ғұмырың болашақпен мәңгі ұлассын.



Пікірлер (0)

Пікір қалдырыңыз

Сәлем өзбек қызына

  • 0
  • 0

Сәлем сізге, өзбек қызы,
Бауырласым, мақта өсірген.
Жыр арнадым даңқыңды естіп,
Алатаудың ақ төсінен!

Толық

Қалғып кетпе

  • 0
  • 0

Ақын орны әрқашан алғы шепте,
Беу, жүрегім, тек қана қалғып кетпе!
Сілкініске, ел күткен серпіліске
Қосылайын барынша қалмай шетте.

Толық

Бояу жетеді, қасты боя, шаш боя

  • 0
  • 0

Бояу жетеді, қасты боя, шаш боя.
Өз еркінде Оған қандай түс қоя
Алам десең табылады түрлері,
Тұла бойды алмасаң да бос қоя.

Толық

Қарап көріңіз

Басқа да жазбалар