Өлең, жыр, ақындар

Бәрi де өз еркiммен...

  • 16.08.2021
  • 0
  • 0
  • 412
Бәрi де өз еркiммен...
бәрi, бәрi,
Менсiз де шырқалады әнiң әлi.
Қайырылмай өткен шаққа жүрсем де мен,
Бiр жүрген күндi көңiл сағынады.
Ай ауып, күн де еркiмен дөңгеледi,
Ұмытып кеттiң, мүмкiн, сен де менi...
Аялдама тұсында тұратын ем,
Шамды аңдып сен отырған бөлмедегi.
Қиялды асқақтатып, желiктiрiп,
Арбайтын сендегi ерек көрiк, қылық.
Қасымнан өте берiп бұрылушы ең,
Әдейi көрмегенсiп көрiп тұрып.
Үзiлiп сосын кенет достық әнi,
Жетелеп кеттi бiздi жастық әрi.
Кешқұрым сабағыңнан шыққаныңда,
Қазiр сол аялдама бос тұрады.
Сезiмнiң бағы неге кеш гүлдейдi?
Бiр сәттер толқыныңды кештiм, мейлi...
Кешқұрым сенiң ерке, нәзiк даусың,
Тұтқаның ар жағынан естiлмейдi.
Екеумiз жан емеспiз сертiн үзген,
Ортақ ән шырқалмайды ендi бiзден.
Мүлде бөлек бағытқа бет алдық па? –
Бәрi де өзiмiздiң еркiмiзбен...



Пікірлер (0)

Пікір қалдырыңыз

Бұл жолы көп қинады, ойланды Өлең

  • 0
  • 0

Бұл жолы көп қинады, ойланды Өлең,
Жатқан-ды жүрегiмде қайнауменен...
Желкенiн желге төсеп кеттi-ау жүзiп,
Мезгiлсiз қайырлатып қойған кемем.

Толық

Бiр сәттiк қана торығу

  • 0
  • 0

Мәнiс кеттi.
Тiрлiктен мәнiс кеттi,
Мен аңсаған керемет алыс кеттi.
Бiрде қырға, бiрде ойға домалайды,

Толық

Кешегi iзiн қайта басуға құмар күн

  • 0
  • 0

Кешегi iзiн қайта басуға құмар күн,
Көлегейлетiп әлсiз сәулесiн мұнардың.
Өзiме-өзiм күн сайын берiп мың уәде,
Түк бiтiрместен мен қартаятын шығармын.

Толық

Қарап көріңіз