Өлең, жыр, ақындар

Шыбық-өмiр келе жатты бүр атып

  • 16.08.2021
  • 0
  • 0
  • 689
Шыбық-өмiр келе жатты бүр атып,
Күллi әлемнiң қуанышын сұратып.
Ерте есейiп, жылдам өскiм келгенмен,
Мен асықтым, асықпады уақыт...
Бала доспен бар қызыққа құмартып,
Ойын қудық жылатып та құлатып.
Бiрте-бiрте көңiлiмiздi суытып,
Жолдастықтың жiбiн үздi уақыт...
Жүрегiме сезiм орнап бiр ақық,
Бiр сұлуды жүрдiм сүйiп, ұнатып.
Арман болған ең бiр асыл нәрсеге,
Қара күйе жаға салды уақыт...
Тағдырымды талайыма сынатып,
Жолға түстiм шаңымды артта шұбатып.
Жайбарақат, жанға жайлы жер iздеп,
Асықпадым, ендi асықты уақыт...
Сонда ғана өкiнiштен жылатып,
Сонда ғана алдарқатып, жұбатып,
Өмiр-дария толқынына лақтырып,
Алға түсiп жүре бердi уақыт...



Пікірлер (0)

Пікір қалдырыңыз

Мен дей бер

  • 0
  • 0

Жалығып әбден жүрiстен мынау қаптаған,
Жантая түсiп, жатқанда тынып от-қалам.
Аялдамада тұрса егер бiреу қарамай,
Автобустарға ыңырсып келiп тоқтаған...

Толық

Сызат тез сызылып сенімге

  • 0
  • 0

Сызат тез сызылып сенімге,
Санаға жүк болып сөз бөтен,
Осынау ғұмырда, өмірде,
Көңілдің қалуы тез екен...

Толық

Көлбастау

  • 0
  • 0

Бозала таңның сығалағанда сәулесi,
Осы ауылдың басталар тiрлiк әуресi.
Бейнетке батып, зейнетiн тамсап жатса, да,
Дәл одан асқан қасиеттi мекен бар дешi!

Толық

Қарап көріңіз