Өлең, жыр, ақындар

Қуанышқа тұр едiм жүгiргелi

  • 16.08.2021
  • 0
  • 0
  • 427
Қуанышқа тұр едiм жүгiргелi,
Кенет қара жер неге дiрiлдедi?
Кең көшеде зулаған бiр машина,
Қағып кете жаздады бүгiн менi...
Қасiреттi жүргем жоқ сұрап емге,
Қарайламай жүгiрдiм, кiнә менде.
Қас-қағымда кетуге сәл-ақ қалдым,
Өзiм сонша қорқатын бiр әлемге.
Төгiлместей кеудемнен қайта өлеңiм,
Өмiр, кенет үзiлсең қайтер едiм?
Қайтер едiм қопарып топырақты,
Құлап түссе бүр жарған бәйтерегiм?
Жасым жеткен қария болмасам да,
Ойлайтын ем өлiмдi анда-санда.
Өмiрге пенде дайын болмағанмен,
Өлiмге дайын екен әрқашанда.
Бас айналды, құлағым шыңылдады,
Бiр-ақ көрдiм көлiктiң бұрылғанын.
Тындырмаған iсiм көп, сен әзiрше,
Шырылдай тұр кеудемде, шыбын жаным...



Пікірлер (0)

Пікір қалдырыңыз

Мен дей бер

  • 0
  • 0

Жалығып әбден жүрiстен мынау қаптаған,
Жантая түсiп, жатқанда тынып от-қалам.
Аялдамада тұрса егер бiреу қарамай,
Автобустарға ыңырсып келiп тоқтаған...

Толық

Асыл тас тауып алып ем

  • 0
  • 0

Асыл тас тауып алып ем,
Қапыда қайта жоғалттым.
Өкiнiп қалдым тағы мен,
Апыр-ай, неткен олақпын?

Толық

Көкпар

  • 0
  • 0

Бері ауып қиқу бараққа қарсы беттегі,
Намыстың даусы жалындап қысар өкпені.
Жан-жаққа қарап, таба алмай атын ерттеулі,
Сырлыбай ағам додаға қойып кеткені...

Толық

Қарап көріңіз

Басқа да жазбалар