Өлең, жыр, ақындар

Анама

  • 16.08.2021
  • 0
  • 1
  • 5071
Бола бермес уақыт та өктем ұдай,
Бәрін жайлап реттейді көкте Құдай.
Өміріңнің жазы тез өте шықты,
Күрең күзі көсіліп кеткенін-ай...
Тіршіліктің кім шырқар аз күн әнін?
Жылытады жанымды әз шуағың.
Қабағыңнан кірбіңді тағы байқап,
Қиналамын, өзімді жазғырамын.
Сеземін ғой, жарыңды сағынасың,
Оймен кезіп өткенді, сабыла шын.
Бір балаңның бүгілсе белі кенет,
Бәрін тастап, қасынан табыласың.
Бейнетін де бір тартып немеренің,
Бәрімізді бақытқа бөлегенің.
«Ана», «апа», «әже» деп жамыраймыз,
Қасиеттім, киелім, өнегелім.
Кешегіден тәтті күн бүгін кешкен,
Жүзіңді әжім торлады-ау білінбестен.
Жүре берші, Анашым, иілместен,
Жүре берші, Анашым, бүгілместен.
Аз көрмесем, көңілім сағынулы,
Әнің үлгі біздерге, арың үлгі.
Жапырағы жайқалған бәйтерегім,
Тереңдерге байлай бер тамырыңды.



Пікірлер (1)

Даяна

Өте керемет, көп рақмет!

Пікір қалдырыңыз

Мен дей бер

  • 0
  • 0

Жалығып әбден жүрiстен мынау қаптаған,
Жантая түсiп, жатқанда тынып от-қалам.
Аялдамада тұрса егер бiреу қарамай,
Автобустарға ыңырсып келiп тоқтаған...

Толық

Өмірге мынау жай келмей, тамсана келгін

  • 0
  • 0

Өмірге мынау жай келмей, тамсана келгін,
Байыз таппайды-ау бақытты аңсаған көңлің.
Ерлігі дұрыс бағасын ала алмай, бекер,
Қалды екен сайда қу басы қаншама ердің...

Толық

Жазғырмаймын жүректi сенгенi үшiн

  • 0
  • 0

Жазғырмаймын жүректi сенгенi үшiн,
Ақыл емес, сезiммен сенделiсiн.
Күнде көрем сол қызды,
көрген сайын,

Толық

Қарап көріңіз