Өлең, жыр, ақындар

Сiз бiлесiз

  • 16.08.2021
  • 0
  • 0
  • 438
Сiз бiлесiз,
бiр ай өте аз уақыт,
Татып тiптi үлгермейсiз мәз бақыт.
Бiр ай бұрын ашты өмiр есiгiн,
Менiң қызым жүрегiмдi маздатып.
Жақсылықты жүремiн мен мәңгi iздеп,
Қуанышым, мұңым менiң –
жалғыз... көп...
Сол бiр айда менiң гүлiм мөлдiреп,
Өсiп кеттi үлкен қыз боп, дәу қыз боп.
Ұйықтатпай, әке, ана, апаны,
Күн тез батып, таң да жылдам атады.
Қызығымның екi көзi тұп-тұнық,
Сол тұнықпен қарайды да жатады.
Бүршiгiме ұзақ ғұмыр сұрайын,
Әрбiр күнiн мәндi ете гөр, Құдайым!
Оянғанда үрпiнi iздеп ернiмен,
Балақаным қалдырды артта бiр айым.
Бiлген дұрыс,
бiр ай өте көп уақыт,
Ұрпақ сүю, әке болу – зор бақыт.
Бiр ай болды, көкiрегiме мен тағы,
Бiр жүректi алғандаймын орнатып.



Пікірлер (0)

Пікір қалдырыңыз

Жасырып әуре болмашы

  • 0
  • 0

Жасырып әуре болмашы,
Көзiңде тұр ғой бәрi де.
Сезiммен iштей жауласып,
Қатайып жүрсiң әлi де.

Толық

Таң атып тағы, әбiгер етiп халықты

  • 0
  • 0

Таң атып тағы, әбiгер етiп халықты,
Тағы бiр күннiң түймесiн тiрлiк ағытты.
Таныс бiр жолмен аяңдап келем жұмысқа,
Осы жол менен жалықты, сiрә, жалықты.

Толық

Жиырма бес

  • 0
  • 0

Жиырма бес – дариға-жас менен де өттi,
Жастық шақ алаңдатты, елеңдеттi.
Қуаныш сыйлап менiң бойыма шақ,
Маған лайық мұң болып өлеңдеттi.

Толық

Қарап көріңіз