Өлең, жыр, ақындар

Қырсығады екем

  • 12.09.2021
  • 0
  • 0
  • 486
Мазасыз ойлар сен келсең сап тынады екен,
Қасыма менің кідіріп бақ тұрады екен.
Әуре болып несіне келдің дегенмен,
Көңілім сені көргенді жақтырады екен.

Қарбаласпын деп сылтауды маңайлайды екем,
Бір жүрген күнді еске алып сан ойлайды екем.
Келмейтініңді ішімнен сезіп тұрсам да,
Сен жақтан келген көлікке қарайлайды екем.

Сен үшін қиын белестен аса алады екем,
Сонда да бәрін жасырып қасарады екем.
Оңаша қалғың келгенін біліп тұрсам да,
Топтасқан жанның ішіне апарады екем.

…Көрмесе күнді гүл мұңға тұншығады екен,
Тұншығады екен, тұншыққан гүл сынады екен.
Шыдамым бітті қырсыға қоймаспын деуші ем,
Қырсығады екем бәрі бір, қырсығады екем.



Пікірлер (0)

Пікір қалдырыңыз

Жауған шығар

  • 0
  • 0

Жауған шығар Алтайға қырбақ деген,
Қараша бұл өмірге бізді ап келген.
Балаң ақын болуға жарамай жүр,
Шеше саған жаза алмай бір жақсы өлең.

Толық

Қалжың

  • 0
  • 0

Сені кеттім сағынып (бірақ қалжың),
Ойлап жүрмін сабылып (бірақ қалжың)
Құс жастық қып қалжыңды жастанып ап,
Ептеп-ептеп ақырын сыр ақтардың.

Толық

Сары қурай

  • 0
  • 0

Сары қурай сыбызғы кесіп алма,
Сағынба да сен мені, есіңе алма.
Өкінгенмен не пайда,өтеді өмір,
Іздеп келе алмаса есі барда.

Толық

Қарап көріңіз