Өлең, жыр, ақындар

Жар дегенің

  • 12.09.2021
  • 0
  • 0
  • 408
Жар дегенің жарты деген сөз екен,
Құралдың ба бүтінделдің онымен.
Ғұмырыңның жартысы да сол екен,
Қалған күнді бірге өткіз жөнімен.

Жар дегенің түзу жүрсең кең жазық,
Қиыс бассаң құлататын құлама.
Кімдер екен қойған солай ор қазып,
Жардан сұра басқа ешкімнен сұрама.

Жар дегенің жарылқайтын кісі екен,
Қас-қабағы аңдулы аттан түспейтін.
Жар дегенің жарғанаттай құс екен,
Түн баласы шаруалары бітпейтін.

Жар дегенің жарқыраған күн екен,
Мейірленсе нұрландырар жүзіңді.
Жар дегенің жаратқанның құлы екен,
Жұптастырған жалғау үшін ізіңді…



Пікірлер (0)

Пікір қалдырыңыз

Астана

  • 0
  • 0

Жамырай кеп елім қонған Астана,
Хан түсетін төрім болған Астана.
Салтанат пен сәулетіңнен Есілдің,
Жағалауы керім болған Астана.

Толық

Ұмытпаған

  • 0
  • 0

Таңғы тілек жалғасып кеш күбірге,
Назар салмай дүрмектің ешбіріне.
Бірер ауыз тіл қатып қалатындай,
Қарай берем қимылсыз кескініңе

Толық

Қыйын

  • 0
  • 0

Жастығыңда сүрінбей жүру қыйын,
Ертең не боларыңды білу қыйын.
Өзгеріп кетсем мұны ерлік деме,
Азу оңай ,сертіңде тұру қыйын.

Толық

Қарап көріңіз