Өлең, жыр, ақындар

Қырат мені шаршатты

  • 12.09.2021
  • 0
  • 0
  • 591
Біз сыртынан жанап өткен таныс бақ,
(Себебі онда тек ғашықтар табыспақ).
Күте ме екен?
Қырат мені шаршатты,
Мен жақындап қалған сайын алыстап.

Түсінбедім кім біздерді қинаған?
(Қоштасып ап азаптанып қимағам).
Ештеңеден хабары жоқ біздерге,
Осыншама үлкен сезім силаған?!

Жазғырып ап онан кейін кешіріп,
Көкжиекке көп қарадым тесіліп.
Тым биікте лапылдады от сезім,
Қолым жетсе тастамақ ем өшіріп.

Бірде жетіп, бірде жетпей бір ұшқын,
Кеудеме кеп күмбірледі күміс мұң.
Құтылмақ боп мазасыз бұл шақтардан,
Жақындадым, өшіруге тырыстым.

Одан сайын шарықтады өр сезім,
Қансыратты жүрегімнің бөлшегін.
Қуа-қуа мен де кеттім биіктеп,
Білмесемде биіктіктің өлшемін.

Қызықтамай дүниенің дүрмегін,
Неге мұнша жұмбақ өмір сүргемін?
Сол сезіммен қатарласып қалыппын,
Сен де сонда жүр ме едің?!



Пікірлер (0)

Пікір қалдырыңыз

Құмдағы мұң

  • 0
  • 0

Қалшы меннен еріп алмай ерке мұң,
Тарттым алға тағдырымның желкенін.
Қарайлайсың келе ме әлде таныс жан,
Өткен шақтың елесімен өртедің.

Толық

Ай жүзіне көп қарап

  • 0
  • 0

Ай көзінде сағыныш бар,
Айдың жүзі толғанмен.
Таусылмайды табыныстар,
Кейде жарты болғанмен.

Толық

Сені көрдім

  • 0
  • 0

Сені көрдім қасыңнан қыр көрінді,
Сол қырқаға назарым мың бөлінді.
Білесің бе арман боп басқаларға,
Аласарып сен үшін жүргенімді.

Толық

Қарап көріңіз

Басқа да жазбалар