Өлең, жыр, ақындар

Үрейлі болып мен кей күн

  • 17.09.2021
  • 0
  • 0
  • 788
Үрейлі болып мен кей күн,
Өзіме өзім сенбеймін.
Кемедей тартқан жүрекке
Кеудеме жүкті теңдеймін.
Осынау фәни дүниеге
Мыңдары келген мендейдің.
Ажалым жетер бір күні,
Бәрібір оны жеңбеймін.
Өлгенше менде тыным жоқ,
Өзіме маза бермеймін.
Қырылдап даусым қалғанша,
Үніндей ескі кернейдің.
Біреуге шалқар көлдеймін,
Біреуге асу белдеймін.
Көктемім келсе көксеген
Көкорай көңіл көгіне,
Көшіп бір қонған елдеймін.
Басыма қысым – қыс түссе,
Қаңтарда жауған қардан соң
Қымтанып қалың көрпесін
Жатып бір қалған жердеймін.
Ағымнан бір күн жарылсам,
Ағыны қатты дариядай
Ағыл да тегіл селдеймін.
Бәрібір, Тағдыр, мен сенің
Алдағаныңа сенбеймін.
...Тәлкегіңе де көнбеймін!



Пікірлер (0)

Пікір қалдырыңыз

Амандығыңды тілеймін

  • 0
  • 0

Достастырып адамды – сырластырып,
Бас қостырып – құрбы ғып, құрдас қылып,
Айдан, Күннен, Аптадан келген сайын
Алаң болып күтемін бір жақсылық.

Толық

Қараша үй

  • 0
  • 0

Қараша үйдің түндігі
Қараша желмен желпілдеп.
Соққанда дауыл сұмдығы,
Оттан да қорқып қым-қуыт.

Толық

Босқындар

  • 0
  • 0

Көрмеп ем
Түс шайысып ешкімменен,
Бәрімен жан біткеннің доспын деген
Пікірім бір-ақ күнде быт-шыт болды,

Толық

Қарап көріңіз