Өлең, жыр, ақындар

Салмақсыздық

  • 26.09.2021
  • 0
  • 0
  • 868
Жақсылық — жас,
Жылдар жаңа,
күн өзге:
ердің даңқы дарыды енді бір езге...
Алатаудың ақ бұлттары салмақсыз,
салмақсыздық келді содан мінезге.
Салмақсыз қыз қасы-көзін сәндейді,
сәнді қызға салмақсыздық тән — мейлі.
Алды бәрін уақыттың өзі ақтап,
космоста салмақсыздық — заң дейді.
Физиктердің шөбін орып кеттің бе —
салмақсыздық — санасыздық деп күлме.
Салмақсыздық — құлағанға қолайлы,
сипаған боп сезіледі тепкің де.
Құмға да ізің түспей кетті, әзаға,
жел боп жүгір, жұрттың ізін тазала.
Салмақ — қара таста қалса болғаны,
тастай салмақ қалсын өлім-қазада.
Қиялында құмар оты жансын тек —
қанатсыз-ақ ұша аласың, ал, сілтет.
Қалсын салмақ жұдырықта жауды ұрар,
мықты айтылған сөзде салмақ қалсын тек.



Пікірлер (0)

Пікір қалдырыңыз

Қарт жауынгер сөзі

  • 0
  • 0

...Қара дауыл, құлағымда тұр үнің,
Қара түтін, көз алдымда бұрымың.
Найзағайлар сермегенде сырығын,
Тірі қалдым, тірі қалдым – тірімін!

Толық

Көңіл

  • 0
  • 0

Бүр жарды, әне, бір бұта
Жасыл тартты кең өлкем,
сол болар деп күні ертең
саялайтын көлеңкем,

Толық

Тез, тез!

  • 0
  • 0

— Көрші халсіз жатыр, — деді кәрі әкем —
Тез, тез барып Қошалақтан дәрі әкел!
...Жаяу барып келуші еді бұрын да ел,
Жаяу ма екем мен, сірә —

Толық

Қарап көріңіз