Өлең, жыр, ақындар

Сол бір сәттен құпия сыр түйдім көп

  • 06.11.2021
  • 0
  • 0
  • 475
Сол бір сәттен құпия сыр түйдім көп,
Болмас маған будан артық сый-құрмет.
– Айналайын амансың ба? – деп бірде,
Аға, менің маңдайымнан сүйдің кеп.
Арасынан шыққан күндей тұманның,
Сені көріп, көңіл еріп, жұбандым.
Ел ішінде жүріп жатқан елеусіз
Қарындасың болғаныма қуандым.
Сыйлағандай болдын сәби күлкімді,
Кеудемдегі жүрегім бір бұлқынды.
Өзгелерден дараланып, көзіме
Іріленіп бара жаттың бір түрлі...
Сүйдің мені ағалық бір шуақпен,
Шуағыңмен құдіретті ең, қуатты ең.
Сүйеп тұрып көкірегіңе басымды,
Бақытымнан алғым келді жылап мен...
Үнсіз күндер жұмбақ болып өтер көп,
Жана берсін арманымның оты өрлеп.
Қарамадым, құпиясын жанымның
Жанарымнан оқып алады екен деп...



Пікірлер (0)

Пікір қалдырыңыз

Бола алмайсың ештеңеге енді алаң

  • 0
  • 0

Бола алмайсың ештеңеге енді алаң,
Алаң болған ел де аман, мен де аман.
Өмірде бір кездеспейтін «пәктік» деп
Қорғап, аяап қараушы едің сен маған.

Толық

Уақыт деген қалып қалмай дүлділден

  • 0
  • 0

Уақыт деген қалып қалмай дүлділден,
Жүрегімнен жүрек соғып күн күлген.
Құлап қалсаң,
тоқтап тұра беретін,

Толық

Айхай, арман, асау едің сен неткен

  • 0
  • 0

Айхай, арман, асау едің сен неткен,
Төзімсізді тастап қаштың ту алыс.
Байқамаймын уақытты тез өткен,
Алмасумен үміт, қайғы, қуаныш.

Толық

Қарап көріңіз