Өлең, жыр, ақындар

Таңғы күн

  • 06.11.2021
  • 0
  • 0
  • 518
Айтар едім айқайлап тыңдаса мен,
Бүгін туған баламен құрдас әлем.
Таңғы аспаннан жарқырап күліп шыққан,
Алдыменен берейін күнге сәлем.
Бесік болып тербесін, тербесе әлем,
Өмірімді емдесін емдесе өлең.
Көкірегі кең болған бір ел анасы
Екінші рет берейін жерге сәлем.
Жерім менің жастығым, көп аңсаған,
Жер көнермес, көнерер көнерсе адам.
Арманыма асығып әр таң сайын,
Жолдаймын мен, туған ел, сәлем саған.
Таңғы күнге жүзімді жиі өптіріп,
Сезімімді тіліме тиек қылып,
Көктесем ғой шынардай, асқар шыңның
Көкірегіне басымды сүйеп тұрып.
Тіршіліктің таратып ән-күйлерін,
Кеш батқанда жұлдыздай қалғиды елім.
Таңғы күнмен әлемді сәби етіп,
Анасындай келеді әлдилегім.
Көкірегімде туласын, туласа өлең,
Жұлдыздармен болады сырлас әлем.
Аман-есен қуанып көргеніме,
Беру үшін асығып күнге сәлем!..



Пікірлер (0)

Пікір қалдырыңыз

Жандым, өштім, өртке айналдым, сезбедің

  • 0
  • 0

Жандым, өштім, өртке айналдым, сезбедің,
Арашалап ала алмадың, төзбедің.
Мен өзіңді теңер болсам семсерге,
Жарқылдадың қолдарында өзгенің.

Толық

Тау шалы

  • 0
  • 0

Өзі туған таудай тұлға сом біткен,
Көтерілмес оңайлықпен қабағы.
Кейбір кезде жолаушыдай жол күткен,
Бір ноқатқа ұзақ қарап қалады.

Толық

Маған арнап

  • 0
  • 0

Маған арнап
әкелші даладан гүл,
Исі бар онда күн мен жан анамның.
Самал есіп жанымның сарайында,

Толық

Қарап көріңіз

Пікірлер