Өлең, жыр, ақындар

Үмітім менің алданды

  • 07.11.2021
  • 0
  • 0
  • 876
Үмітім менің алданды,
Жанымның гүлі тұр жылап.
Жалпағынан басып жалғанды,
Қарайсың салқын, тұнжырап.
Өкпе айтам, несін тағдырға,
Жұлдызды өптім, айды өптім.
Қосылып жасым жаңбырға,
Жуып тұр кірін әйнектің.
Өткенге бүгін күйініп,
Көктемге қарай сырғиын.
Өкінішім ұршық иіріп,
Ішімде соғар мың құйын.
Үмітім менің алданды,
Қабағымнан бұлт аулап.
Сезімді сәттік малданды,
Көз жасымнан күлкі аулап.
Қайтсын ол, мұңын өзгенің
Бір түнді қуып, бір түнім.
Үмітсіз қарап көздерім,
Сыпырар сәуле кірпігім.
Сәттерім, қалай тез өтті,
Сүймесе, неге жымиды?
Өкініш өртеп, өзекті,
Өзектен бір жел ұлиды.



Пікірлер (0)

Пікір қалдырыңыз

Ақсу

  • 0
  • 0

Ақсуым, ауасы бал, нұрлы таңды,
Өзіңді өтер ме едім жыр ғып мәңгі.
Ойласам, түнетемін орманы емес,
Әкеліп көз алдыма бір бұтаңды.

Толық

Атыңа арнап сенің жыр жазамын

  • 0
  • 0

Атыңа арнап сенің жыр жазамын,
Ұмытып тіршіліктің мүлде заңын.
Сарғайып самал желге мұңын шаққан,
Ұқсайды құрғақтағы гүлге жаным...

Толық

Жедел жәрдем

  • 0
  • 0

Жарық шашқан маңдайында алау бар,
Айқайлайды түн ұйқысын қашырып.
Жол беріңдер, жол беріңдер адамдар,
Жедел жәрдем келе жатыр асығып.

Толық

Қарап көріңіз