Қанипа Бұғыбаева

Көзге өтірік көлгірсіп, мақтанбаймын

Бұл бетте «Көзге өтірік көлгірсіп, мақтанбаймын» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.11.2021
0
0
832

Көзге өтірік көлгірсіп, мақтанбаймын.
Көп адасып, өзіңді тапқандаймын.
«Сенен өзге ешкімді сүймедім» деп,
Ант ішпеймін, алдыңда ақталмаймын.
Өршіткендей төзімнің өртін бір шың,
Қыл ішегін сезімнің шертіп жүрсің.
Жүрегімнің жалынын сатып саған,
Жалынбаймын, жанбасаң еркің білсін.
Таң алдында татып ап тұнған удан,
Жанып-күйіп жалықтым жынданудан.
Сүйе алам ба, басымды матап, байлап,
Махаббатқа қорықпай құл болудан.
Өткенді ойлап, оңаша толғанамын,
«Өмір өзен» арнасы толған ағын.
Көзім менің мілінер көкжиекке,
Батар күннің сіміріп соңғы алауын....

Қанипа Бұғыбаева көзге өтірік көлгірсіп мақтанбаймын Қанипа Бұғыбаева өлеңдері

Пікірлер (0)

Пікір қалдырыңыз

Жиі қойылатын сұрақтар