Өлең, жыр, ақындар

Есенинге

  • 08.11.2021
  • 0
  • 0
  • 504
Төрімде суретің тұр гүл ұстаған,
Бет – бейнең неткен ыстық туыс маған.
Толқындай жирен сары бұйра шашың,
Өлкеңе ұқсайды екен күн ыстаған.
Біледі бір мен емес атыңды әлем,
Кеудеңнен күміс таңды сапырған ең.
Өре алған «фарсы сазын» келістіріп
Таңданам бір өзіңдей ақынға мен.
Айналған аты аңызға өлең гүлі,
Тіл қатқан арманына келер күні.
Бере алған бір сәтіңді келістіріп,
Ғажап-ау, суретшінің шеберлігі.
Қадалам келбетіңе күнде ойланып,
Көркіңе теңеу таппай, тіл байланып.
Шарбаққа сүйеніп сол тұрған күйі,
Кетіпсің өзің де бір жырға айналып.
Ұқсайсың бір өзіңнен өзге кімге,
Дарасың, даусың қалған өз көгіңде.
Кезгендей сезімімнің ирімдерін,
Сиқыр бар сырға толы көздеріңде...
Жас балғын қиял-ойға беріліп тым,
Кеткенің көрер көзге көрініп тұр.
Сұр костюм түймелері салынбаған,
Дәуренін паш еткендей серіліктің...



Пікірлер (0)

Пікір қалдырыңыз

Қайда сол, көктем гүлі?

  • 0
  • 0

Елеске елегізіп, елең еттім,
Мен саған өмір жайлы не демекпін?
Қайда сол?
көктем гүлі, өткен күнім,

Толық

Жарық дүние-ай!

  • 0
  • 0

Жарық дүние-ай!
Кешір мені, қадіріңді білмесем,
Өмір бердің, тірлік бердің гүлге сен.
Аспандағы күнім болып алдымнан,

Толық

Түспейді сәуле күн жақтан

  • 0
  • 0

Түспейді сәуле күн жақтан,
Жұлдызым менің жүр жанбай.
Көңілсізбін, зіл батпан –
Еңсемді басып тұрғандай.

Толық

Қарап көріңіз