Өлең, жыр, ақындар

Әйел көңілі, айт, қашан шағылыпты

  • 08.11.2021
  • 0
  • 0
  • 459
Әйел көңілі, айт, қашан шағылыпты,
Әлдилеумен бар арман, бар үмітті.
Келген жәйлап, білдірмей, уақытпенен,
Мойындамай жүреді ол кәрілікті.
Бұлбұл ұшып көзінен құмар шабыт,
Қарсы алдын тұрса да мұнар шалып.
Әйел өзін жаспын дер, көкірегінде
Көктем құсы тұрған соң бір ән салып.
Жарасар мәңгі жасыл бояу оған,
Бейбітшілік жырымен аялаған.
Табиғатпен түлеген бүрін жарып,
Ақ қайыңға ұқсайды әйел адам.
Салқындар ма,
өмірдей қызған көңіл,
(Дауыл сезім тыншымды бұзған менің.)
Ақ қайыңдай қалғыса әйел адам,
Көреді екен түсінде қыз дәуренін.
Қадап алыс, алысқа от жанарын,
Жүрегінің баршаға төкті алауын.
Қартаймастан мәңгілік әйел көңлі,
Тұратындай қайталап көктем әнін.
Қалды екен деп жастықтан сен ойлама,
Қарайды олар үмітпен шар айнаға.
Жапырақ жайып тұрғанда ақ қайыңдар,
Әйел жаны қартаяр қалай ғана!



Пікірлер (0)

Пікір қалдырыңыз

Адам – ағын, толқынды заман – арна

  • 0
  • 0

Адам – ағын, толқынды заман – арна,
Күн көтеріп уақыт барады алға.
Тізгін тартып, қайрылып қарамайды,
Үкім айтып үстінен қарағанға.

Толық

Сүйеп тұрдым, маңдайымды еркелеп

  • 0
  • 0

Сүйеп тұрдым, маңдайымды еркелеп,
Таңғы шықтай көңілменен шын сенген.
Сүйе тұрып, сүймес ем ғой ертерек,
Опасыз жан екеніңді білсем мен.

Толық

Жазылады қашан, қалай соңғы өлең,

  • 0
  • 0

Жазылады қашан, қалай соңғы өлең,
Ескі достың шамына ұқсап сөнбеген.
Жапырақтың көзіндегі тамшыдай
Жер-анаға сіңіп жатыр шөлдеген...

Толық

Қарап көріңіз