Жас кезімде бұдан сәл, көп болатын достарым

Жас кезімде бұдан сәл, көп болатын достарым,
Кеңіп мүлде кеткендей, көрінетін аспаным.
Енді міне, бәрімен түсініспей суыстық,
Көңілімізден өлтіріп, арасында қас қағым...
Адам болып әйтеуір, көріп жүрміз талайды,
Алданумен, алдаумен ағартып тез самайды.
Доссыз көңіл саусақпен қалған күнін санайды,
Досы көптің көңліне өмір сүру қолайлы...
Достары көп адамға өмір сүру жеңілдеу,
Тірескенмен тіресіп, күшін үстеп, жеңілмеу.
Бір досыңнан сенімің кеткен кезде сөгіліп,
Жан жүрекпен айып қой жылап іштей егілмеу.
Бір досымдай көремін, бір таңымның атқанын,
Жанып алып төзімге шабытымның шақпағын.
Біртін-біртін бар достан айрылған соң ертерек,
Кетті мені есейтіп, жалғыз қалған шақтарым.

---