Өлең, жыр, ақындар

Қызыл ішік киген дүние-ай

  • 15.01.2022
  • 0
  • 0
  • 418
Рухың – бұл дүниеде бәрібір жалғыз, жетім-ді,
Жаны жұтаңдар – қансорғыш, кене секілді!
Арыстан – үнсіз, түлкінің сөзі өтімді,
Қызыл ішік киген дүние-ай!

Қарқылдамайын десең, - қарғамен бірге отырма,
Қирайды, бір күн – Ханға тігілген шатыр да.
У-ды көп ішкізген – киелі Биге, Батырға,
Қызыл ішік киген дүние-ай!

Жаны жомарттың жағасын қандап қояды,
Жетесіздер тек – ішіп-жеп қана тояды.
Қыза алмай тұр ма, алтын ғасырдың тойы әлі,
Қызыл ішік киген дүние-ай!

Бұл көштің мұңы – бұрынғы көштен ерекше,
Хайуан – адамға! Адам айналған – терекке!
Қиямет жақын – бізге осы тартыс керек пе?
Қызыл ішік киген дүние-ай!



Пікірлер (0)

Пікір қалдырыңыз

Бір халге кірдім

  • 0
  • 0

Бір халге кірдім, ешкім кірмеген,
Жерде жоқпын, күл денем!
Өзімді көрдім, шындап күлмеген,
Сезімді көрдім, бұрын білмеген!

Толық

Жанымның мозайкасы

  • 0
  • 0

Жанымның мозайкасы
Қызыл-жасыл гүлдерден өрілді ме,
Жарық алып барады, төрімді де.
Тәтті қылып, төгілген шерімді де

Толық

Гүл жүрек

  • 0
  • 0

Мені де демейтін жандар бар екен,
Рухани жанның мұңы – зор екен!
Мына – ойсыздау дүниеде
Адамға керегі – ар екен!

Толық

Қарап көріңіз